SHIRIKA LA AEE LAWEZESHA VIKOBA 180 SINGIDA.

Na. Sylvester Richard.

Shirika la (AEE) African Evanjilist Enterprises  lenya makao yake makuu Dar es salaam Nchini Tanzani limeendesha mafunzo ya ujasiliamali kwa wanavicoba 108 waliowakilisha vikundi vyao vilivyopo Mkoani humo  chini ya ufadhili wa Shirika lisilokuwa la kiserikali la  (NCA) Norwegian  Church Aid lenye Makao yake Makuu Nchini Norwey mafunzo ambayo yaligawanyika katika makundi matatu ambayo ni wafanyabiashara, wakulima na wasindikaji wa bidhaa.

Aidha mafunzo hayo yalifanyika katika Chuo cha Maendeleo ya Jamii Mkoani Singida na  yalifunguliwa tarehe 06.06.2016 na kufungwa rasmi tarehe 09.06.2016 majira ya saa 11:00 jioni ambapo Mgeni rasmi akiwa ni  Mh. Hana  Churi Afisa Maendeleo ya Jamii Manispaa ya Singida.

Katika hotuba yake Mgeni rasmi aliwaasa wanasemina kuwa wanatakiwa kwenda kuyafanyia kazi mambo waliyojifunza kwa muda wote walikuwepo Chuoni hapo ikiwa ni pamoja na kwenda kuvishirikisha vikundi walivyoviwakilisha.

Mgeni Rasmi alieleza kuwa Serikali ina  mikakati  ya kuwezesha vikundi vya vikoba kwa kuvipatia mikopo yenye riba nafuu ambapo aliwahamasisha wananchi kujiunga na  vikundi hivi kwani ni rahisi kuvisimamia kwakuwa hujisimamia wenyewe kwa kukutana kila wiki hali ambayo husaidia kuwa na mawasiliano ya karibu kwa wananvikoba ambapo hata mikopo inapotolewa huweza kurejeshwa haraka na kuweza kukopesha tena kwenye vikundi vingine tofauti na vikundi vingine vinavyosikia tu kwamba Halimashauri inatoa mikopo vinaundwa si rahisi kuvisimamia kwani vinasambaratika kwa urahisi kwa maana havina usimamizi madhubuti.

Kuhusiana na masoko ya bidhaa zinazizalishwa na vikundi, Mgeni Rasmi aliwaasa wanasemina kwenda kutengeneza bidhaa zenye ubora wa hali ya juu ili ziweze kuingia kwenye soko zenyewe kwa kupitia mafunzo waliyoyapata. Pia aliwataka wapeleke bidhaa zao katika maonyesho mbalimbali kama vile Maonyesho ya NANENANE na SABASABA ili kuweza kutangaza bidhaa zao na kuwaze kununulika kwa haraka. Hata hivyo alisema yeye yuko tayari kwenda kushauriana na uongozi ili kuona jinsi ya kupata masoko ya uhakika.