Ajali ya Gari yatokea Mlima Sekenke Mkoani Singida na kusababisha kifo cha Dereva na majeruhi. Kaimu Kamanda wa Jeshi la Polisi Kamishina Msaidizi wa Polisi (ACP) Simoni S. Haule  awaasa madereva wote kuendesha magari yao kwa kufuata Sheria,kanuni na taratibu za usalama barabarani. 

JESHI LA POLISI TANZANIA

OFISI YA KAMANDA WA POLISI “M” SINGIDA

07.06.2016

TAARIFA KWA VYOMBO VYA HABARI

(PRESS RELEASE)

AJALI YA GARI  KUACHA NJIA , KUPINDUKA NA KUSABABISHA KIFO  NA MAJERUHI.

Mnamo terehe 06.06.2016 majira ya saa 11:00 alfajiri huko katika maeneo ya Mlima Sekenke, Kata ya Ulemo, Tarafa ya Kinampanda , Wilaya ya Iramba, Mkoa wa Singida barabara kuu ya Singida – Nzega, Gari lenye namba T.724 BHU/T.733BRJ SCANIA TREILER  mali ya  Erick s/o Johanseni , mkazi wa Mulebe  Mkoani Kagera, likiendeshwa na Dereva aitwaye  David s/o Sailes @ Kibuga, Mhehe, (31, mkazi wa Dar es salaam akiwa amepakia mzigo wa cement akitokea Dar es salaam kwenda Mureba aliacha njia kupinduka na kusababisha kifo cha Mtu mmoja na  majeruhi kwa watu wawili.

Aidha aliyefariki katika ajali hiyo ni Jackson s/o Sailes @ Kibuga ambaye ni abiria katika gari hilo  ambapo waliojeruhiwa ni  David s/o Sailes @ Kibuga, Mhehe, (31), mkazi wa Tegeta  Dar es salaam ambaye amepata majeraha sehemu za kifua na kiunoni na  Medhod  s/o Nyamba, (26), Tingo ambaye amepata majereaha usoni na miguuni,

Majeruhi wote wamelazwa katika Hospitali ya Wilaya ya Iramba hali kadhalika  Mwili wa marehemu umehifadhiwa hospitalini hapo  ukisubiri taratibu za mazishi. Chanzo cha ajali hiyo kimebainika kuwa ni kufeli kwa breki za gari hilo.

AJALI YA GARI KUGONGA GARI JINGINE NA KUSABABISHA MAJERUHI NA UHARIBIFU.

Tarehe 06.06.2016 majira ya saa 13.15 huko  Maeneo ya Namfua, katika Barabara ya Siangida Dodoma, Gari yenye namba SM 9110 TOYOTA LAND CRUISRE mali ya Manispaa ya Singida ikiendeshwa na Dereva aitwaye Salim s/o Ramadhani, (54), Mnyauru mkazi wa Kindai, Tarafa ya Mungumaji, Wilaya na Mkoa wa Singida, akitokea katika Kituto cha Afya Sokoine kilichopo Manispaa ya Singida  akiwa amebeba mgojwa aliacha njia na kuligonga gari jingine lenye namba T.341 BCH CARINA ilkiendeshwa na Hamisi s/o Iddi, (66), Mnyamwezi mkazi wa Majengo Singida.

Aidha katika ajali hiyo watu wanne walipata majeraha. Majeruhi  hao ni pamoja na Salim s/o Ramadhani dereva wa gari namba SM 9110 TOYOTA LAND CRUISER, Bertha d/o Athanas, (23), Mnyaturu, Mkazi wa Kindai ambaye ni mgonjwa akitokea katika Kituo cha Afya Sokoine  kuelekea Hospitali ya Rufaa Singida, Rehema d/o William, (27) msaidizi wa mgonjwa  na Mary s/o Temalilo, (50), ambaye  ni Muuguzi wa Kituo cha Afya Sokoine.

Majeruhi wote wamepatiwa matibabu katika Hospitali ya Rufaa Singida, hali zao zinaendelea vizuri ambapo Majeruhi watatu wameruhusiwa isipokuwa Bertha d/o Athanas bado anaendelea kupata matibabu Hospitalini hapo na hali yake inaendelea vizuri.

Jeshi la Polisi limefanya uchunguzi wa awali wa ajali hiyo na kubaini chanzo chake kuwa ni uzembe wa Dereva   Salim s/o Ramadhani ambaye alihama katika upande wake na kilifuata gari jingine na hivyo kasababisha ajali hiyo ambapo anashikiliwa na polisi kwa mahojiano.

Jeshi la Polisi linatoa wito kwa madereva wote wa vyombo vya usafiri kuendesha vyombo vyao kwa kufuata sheria, kanuni na taratibu za usalama barabarani. Madereva pia wanatakiwa kukagua magari yao kabla ya kuanza safari ili kubaini ubovu wa magari yao na kurekabisha kabla ya kuanza safari ili kuepusha ajali zisizokuwa za lazima. 

Imetolewa na ;

       SIMON S. HAULE – ACP

 

Kny; KAMANDA WA POLISI (M) SINGIDA