MKOA WA MWANZA WAONGOZA MASHINDANO YA MBIO ZA BAISKELI ZILIZOFZNYIKA TAREHE 21.05 2016 MKOANI SINGIDA

Mkoa wa mwanza waongoza katika mashindano ya mbio za baiskeli yaliyoandaliwa na Chuo cha Uhasibu Tanzania (TIA) Tawi la Singida kwa kushirikiana  na Friebds & Family connection yenye Makao yake makuu San Diego Nchini Marekani na kudhaminiwa na Banki ya NMB, KAMPUNI YA BIA YA SERENGETI, GEARING FOR HOPE NA FUTURE HERITAGE kwa lengo la kuhamasisha uchangiaji wa fedha kwa ajiri ya watoto wanaoishi katika madhingira magumu wakiwemo wenye  ulemavu wa ngozi (ALBINO).

Mgeni rasmi katika mashindano hayo alikuwa ni Mkuu wa Wilaya ya Singida Mh. Saidi Amanzi ambaye aliwashukuru waandaaji wa mashindano hayo kwa kuandaa mashindano  yaliyolenga kuhamasisha uchangiaji wa fedha  ili kuwawezesha wahitaji wa vituo vitatu ambavyo ni Kituo cha Urambo Tabora chenye watoto 80, Singida Day Center chenye watoto 800 na Ujejenzi wa vyumba katika Chuo cha Uhasibu (TIA) Tawi la Singida.

Mgeni rasmi aliwashukuru pia washiriki wa mashindao walioshiriki mwaka huu na kutoa wito kwa wananchi kujitoa kwa wingi katika mashindano kama hayo yatakayofanyika tena mwaka 2017 Mkoani Singida na pia aliwaomba wananchi kujitoa kwa hali na mali ili kuchangia  watoto husika ili waweze kupata mahitaji yao ya msingi na kuishi vizuri.

Aidha mashindano yaligawanyika katika makundi manne ambayo ni 1, Kundi la watoto ambao wailikimbia umbali wa Km 10, Kundi la wananwake ambao walikimbia umabali wa Km 18 na Kundi la wanaume ambao walikimbia umbali wa Km 24, na 4 ni kundi la wanafunzi ambapo washindi wa kwanza walijipatia kitita cha Tsh. 500,000/= na washindi wa pili alipata Tsh. 300,000/= na washindi watatu walipa tsh. 100,000/=

Nafasi ya kwanza kwa Watoto ilichukuliwa na  watu wawili kutokana na sababu za kiufundi zilizojitokeza. Washindi haoni Amour Husen na Abeid Selemani wote Kutoka Mkoani singida hali kadhalika mshindi wa watatu alitoka katika Mkoa huo. Kwa upande wa wanawake nafasi ya kwanza ilichukuliwa na Laurencia Luzuba  Kutoka Mkoa wa Mwanza na nafasi ya pili mshiriki kutoka  Mkoa wa Arusha na watatu alitoka Mkoa wa Singida. Mshindi wa kwanza kwa Kundi la wanaume ni Masunga Duba kutoka Mkoa wa Mwanza ambapo mshindi wa pili alitoka Mkoa wa Shinyanga na Mshindi wa kutoka Mkoa wa Singida.

 

Na .

       Sylvester Richard .