Somahapa kuhusu Watu wawili wanaoshikiliwa na Jeshi la Polisi Mkoani Singida kwa makosa ya Kubaka na Muaji. Tamaa za kimwili na ulevi wa pombe vikiwa ndiyo  vyanzo vya matukio hayo.

JESHI LA POLISI TANZANIA

OFISI YA KAMANDA WA POLISI “M” SINGIDA

30.05.2016

TAARIFA KWA VYOMBO VYA HABARI

(PRESS RELEASE)

KUBAKA

Tarehe 29.05.2016 majira ya saa 6:30 mchana Huko katia Kijiji na Kata ya  Iguguno, Tarafa ya Kinyangiri, Wilaya ya Mkalama, Mkoani Singida Mtoto wa kike mwenye umri wa miaka 11, jina lake linahifadhiwa ambaye ni mwanafunzi wa darasa la tano katika Shule ya Msingi Mwando alibakwa na Kulwa s/o Dotto @Bihume, Mnyamwezi, (21) Mkulima na mkazi wa Kijiji cha Simbalungwala katika  Wilaya ya Iramba na kusababishiwa maumivu makali sehemu zake za siri.

Uchunguzi wa awali wa Polisi umebaini mbinu aliyoitumia mtuhumiwa ni kumvizia muathirika akiwa anatoka dukani na kisha kumvutia vichakani mahali ambapo alifanikisha ubakaji huo.

Chanzo cha tukio hilo kimebaininika kuwa ni tamaa za kimwili za mtuhumiwa ambapo mtuhumiwa huyo amekamatwa na anashikiliwa na polisi kwa uchunguzi zaidi na baada ya uchunguzi kukamilika atafikishwa Mahakamani ambapo Muathirika alipatiwa matibabu katika Hospitali ya Mkoa Singida, ameruhusiwa na hali yake inaendelea vizuri.

MAUAJI

Mnamo tarehe 28.05.2016 majira ya saa 1:30 usiku kaika Kijiji na Kata ya Mkiwa, Tarafa na Wilaya ya Ikungi, Mkoa wa Singida Joseph s/o Simon, (39), Mnyaturu, Mkulima na mkazi wa Mkiwa aliuawa kwa kuchomwa na Kitu chenye ncha kali mdomoni karibu na kidevu na Rajabu s/o Omary, (46), Mnyaturu Mkulima na Mkazi wa Mkiwa wakati wakinywa pombe za kienyeji nyumbani kwa Mtuhumiwa.

Chanzo cha tukio hilo kimebainika kuwa ni ugomvi uliotokea baina ya Marehemu na Mtuhumiwa  kutokana na ulevi wa pombe za kienyeji. Imebainika kuwa Mtuhumwa na Marehemu hawana mahusiano yoyote bali walikutana tu hapo kwenye pombe na ndipo tukio hilo lilipotendeka.

Aidha kuhusiana na tukio hilo mtuhumiwa Rajabu s/o Omary anashikiliwa na Polisi kwa mahojiano  na baada ya mahojiano kukamilika, atafikishwa mahakamani ili sheria ichukue mkondo wake ambapo mwili wa marehemu umefanyiwa uchunguzi wa Daktari na kukabidhiwa kwa ndugu kwa hatua za mazishi.

Jeshi la Polisi linatoa wito kwa wananchi kuacha kunywa pombe kupita kiasi na kutokujihusisha na utumiaji wa madawa ya kulevya kwani ni vitendo ambavo vinashawishi kutenda matendo ambayo ni kinyume na sheria za Nchi yakiwemo Ubakaji, wizi, (ukatili wa kijinsia na watoto) matendo ambayo yanaweza kupelekea magonjwa na vifo.

 Imeandaliwa na ;

THOBIAS G. SEDOYEKA – ACP

 KAMANDA WA POLISI (M) SINGIDA

Toa maoni yako kupitia anwani zifuatazo;

     Email  : sylvestermac87@gmail.com,

                    : machibay.richard@yahoo.com

Sim no  : 0768 367 454/0652683063 

                                  Facbook : mchibya richard/Sylvester Machibya