JAMBAZI  AUAWA NA WANANCHI MKOANI SINGIDA NA WENGINE WATATU WASHIKILIWA NA POLISI KWA MAHOJANO.

 Na Sylvester Richard.

SINGIDA;.

Jeshi la Polisi Mkoani Singida linawashikilia watu watatu wanaodhaniwa kuwa ni majambazi baada ya kutiliwa mashaka na wananchi wakazi wa Kijiji cha Kitusha, Kata na Tarafa ya Kinampanda, Wilayani Iramba.

Akiongea na waandishi wa Habari katika ofisi ya RPC Singida leo, Kaimu Kamanda wa Polisi Mkoa  ACP Simon S. Haule alieleza kuwa mnamo tarehe 13.05.2016 majira ya saa 8:53 mchana Jeshi la Polisi Mkoani hapo lilipata taarifa kutoka kwa raia wema kuwa Huko katika Kijiji cha Kitusha,  kuna watu wanaosadikiwa kuwa ni Majambazi wameonekana Kijijini hapo na wanajihusisha na kushusha mizigo toka kwenye magari ya mizigo yanayosafiri katika barabara kuu ya Singida – Nzega ambapo baada ya Taarifa hizo, Askiri wa Jeshi hilo walienda moja kwa moja kwenye eneo la tukio na Askari kwa kushirikiana na wanachi walifanikiwa kuwakamata watuhumiwa wawili ambao ni  Mathayo Mathayo, (30), Mnyiramba mkazi wa Kitusha na  Gedion  Aron, (22), Mnyaturu Mkazi wa Maluga.

Wakati Askari wakiwa kwenye msako wa kuwakamata wengine, walipata taarifa kwamba wananchi wamewakamata watuhumiwa wengine wawili ambao ni Kess  Yohana, (@ Mahope, (34), Mdengereko, Mkazi wa Mvomero Morogoro, na Hassan  ? @ Mjerumani, (35), Mlugulu, Mkazi wa Morogoro Mjini ndipo askari walifika katika eneo la tukio na kukuta wananchi wakiwashambuli watuhumiwa kwa silaha za jadi yakiwemo marungu, mawe na fimbo. Askari walifanikiwa kuwatawanya wananchi na kuwaokoa watuhumiwa hao ambapo wakiwa njiani kuelekea Hospitali, mtuhumiwa mmoja aitwaye Hassan  ? @ Mjerumani alifariki dunia.

ACP Haule alisema kuwa katika uchunguzi wa awali wa Polisi Mtuhumiwa Kess Yohana, (@ Mahope alikiri kuiba mali inayosafirishwa kwenye magari na wao ni wakazi wa Morogoro na wamefika Mkoani Singida kwa Kazi ya Ujambazi.

Watuhumiwa wamekutwa na mali mbalimabali inayodhaniwa kuwa ni ya wizi vikiwemo Robota la nguo za mitumba, Compyuta moja ya mezani ( Desktop computer) naina ya Sonic na Keyboard yake, Betri aina ya Tegger katoni 3, vifaa mbalimbali vya kuvunjia na kujikinga miili yao wakati wakiruka kwenya magari yakiwa yanatebea na Nguo za kufichia sura.

Kuhusiana na tukio hilo watu watatu ambao ni  Mathayo s/o Mathayo, Gedion  Aron na Kess  Yohana     wanashikiliwa na Jeshi la Polisi kwa mahojiano na baada ya mahojiano kukamilika watuhumiwa watafikishwa mahakamani ili sheria ichukue mkondo wake.

 Kisha ACP Haule akatoa wito kwa watu wanaojipatia mali kwa njia isiyo halali kuachana na vitendo hivyo bali wafanye kazi halali zenya kuwapatia vipato halali. Pia viongozi wakiwemo mabalozi wa Mitaa, Wenyeviti wa Vijiji na Watendaji wa Vijiji wanatakiwa kuyatumia vizuri madaftari ya wageni kwa kuwasajili wageni wote wanaoingia katika himaya zao ambapo itasaidia kutambua wageni wao kama ni raia wema au si wema na endapo watamtilia mashaka mgeni yeyote watoe taarifa katika Kituo chochote cha Polisi kilichopo karibu nao.