DEREVA MMOJA ASHIKILIWA NA JESHI LA POLISI NA MMOJA ATOROKA BAADA YA KUSABABISHA AJALI NA KUPELEKEA  VIFO VYA ABIRIA 30  NA WENGINE 54 KUJERUHIWA MKOANI SINGIDA, KAMANDA WA POLISI MKOA  ACP THOBIAS G.SEDOYEKA AELEZEA JINSI AJALI  ILIVYOTOKEA.

Kwa MAONI ,  USHAURI, PICHA, HABARI NA MATANGAZO , WASILIANA NASI KWA ANWANI ZIFUATAZO;

-          sylvestermac87@gmail.com

-          machibya.richard@yahoo.com

simu No. 0768 367454

          0652 683063

          Facebook. Machibya Richard.

 Hapo juu ni picha ya Kamanda wa Polisi Mkoa wa Singida ACP Thobias G. Sedoyeka akisikiliza kwa makini hoja iliyokuwa ikitolewa na mmoja wa waandishi wa habari ofisini kwake.

Na Sylvester Richard

Singida.

Kamanda wa Jeshi la Polisi Mkoa wa Singida Kamishina Msaidizi wa Polisi (ACP) Thobias G. Sedoyeka amebainisha chanzo cha ajali ya magari mawili yiliyogongana uso kwa uso na kusababisha vifo na majeruhi.

Akiongea na waandishi wa habari jana Ofisini kwake majira ya saa 5:45 mchana, ACP Thobias Sedoyeka alieleza kuwa  Mnamo tarehe 04/07/2016 majira ya saa 8:15 mchana huko Kijiji cha Maweni, Kata ya Ngumiti, Tarafa ya Kintinku, Wilaya ya Manyoni, Mkoa wa Singida, Gari No. T.247 BCD SCANIA BUS ikitokea Kahama kuelekea Dar es salaam ikiendeshwa na Jeremiah s/o Martin Sempungwe (?)  aligongana na Gari No. T. 531 DCE SCANIA BUS likitokea  Dar es salaam kwenda Kahama likiendeshwa na Boniface s/o Mwakalukwa na kusababisha vifo vya abiria (30) Wanaume (21) na wanawake (09) miongoni mwao watoto  (05) ambao bado hawajatambuliwa na kusababisha majeruhi kwa abiria  (54) kati ya hao wanawake (20) na wanaume (30)  miongoni mwao watoto ni (04) ambapo majeruhi waliotambuliwa ni (48).

Kamanda Sedoyeka alisema kuwa Majeruhi wamelazwa katika hospitali ya Manyoni na Dodoma huku hali zao zikiendelea vizuri, hali kadhalika miili ya marehemu imehifadhiwa katika hospitali ya Wilaya ya Manyoni na hospitali ya Mkoa wa Dodoma ikisubiri kutambuliwa na hatimaye kukabidhiwa kwa ndugu kwa  hatua za Mazishi.

ACP Sedoyeka  alibainisha Chanzo  cha ajali hiyo kuwa  ni uzembe wa madereva wote wawili, ambapo walipofika katika eneo la  Maweni madereva wote walionyeshana ishara ya kuwasiliana kwa kuwashiana taa za gari na kila mmoja Kuhama kutoka upande mmoja kwenda  mwingine na hivyo kupelekea kushindwa kuyamudu magari hayo na kusababisha ajali hiyo. Dereva Jeremiah s/o Martin (34) ,Mgogo, mkazi wa Dar es salaam mwenye gari No. T. 247 BCD amekamatwa na Dereva  Boniface Mwakalukwa mwenye gari No. T. 531 DCE ametoroka baada ya ajali kutokea , Juhudi za kumtafuta na kumkamata zinaendelea.

Kamanda Sedoyeka hakusita kutoa wito kwa Madereva  na watumiaji wengine wa barabara  ambapo aliwataka kuzitumia barabara hizo kwa kuzingatia sheria, kanuni na taratibu za Usalama barabarani na kuongezea kwa kusema kuwa Jeshi la Polisi  halitasita kumchukulia hatua kali mwananchi / Dereva yoyote atakayevunja sheria za usalama barabarani pindi wanapotumia barabara hizo.