FIESTA, FIESTA, FIESTA KUUTIKISA MJI WA SINGIDA SEPTEMBER 11 2016. 

Jeshi la Polisi lajipanga vizuri katika  kuimarisha ulinzi na usalama.

 

Kamanda wa Polisi Mkoa wa Singida Kamishina msaidizi mwandamizi

                                                                     wa Polisi (SACP) Peter c. Kakamba

                          Kamanda wa Polisi Mkoa wa Singida Kamishina msaidizi mwandamizi

  wa Polisi (SACP) Peter c. Kakamba akiongea na Timu ya waandishi wa habari kutoka Clouds Media Ofisini kwake.

Kampuni ya Cluods Intertainmet yenye makao yake Makuu Jijini Dar es salaam kwa kushirikiana na Prime time Promotions inatarajia kufanya tamasha linalojulikana kwa jina la FIESTA  Mkoani Singida siku ya tarehe 11.09.2016 kuanzia majira ya saa 11:00 jioni katika Uwanja wa Namfua uliopo katika Manispaa ya Singida.

Akiongea na waandishi wa habari ofisini kwake Kamanda wa Polisi Mkoa wa Singida Kamishina msaidizi mwandamizi wa Polisi (SACP) Peter c. Kakamba amesema kuwa kutokana na Tamasha hilo, Jeshi la Polisi Mkoani humo limejipanga vyema kuimarisha ulinzi na usalama katika uwanja wa Namfua  pamoja na maeneo mengine ya Mji huo kwa ujumla ili kuhakikisha FIESTA hiyo inafanyika kwa amani na utulivu.

Aidha Kamanda Kakamba alieleza kuwa hali ya usalama Mkoani Singida inaridhisha kwani vitendo vya kihalifu kwa ujumla vimepungua kwa kiasi kikubwa na kutoa wito kwa wananchi wa Singida kushiriki tamasha hilo kwa amani na utulivu bila kuvunja sheria za Nchi. Aliwataka pia madereva wa vyombo vya usafiri kuendesha vyombo vyao kwa kuzingatia sheria, kanuni na taratibu za usalama barabarani ili kuepusha ajali zisizotarajiwa.

Kamanda hakusita kuwaasa Raia wema  kutoa ushirikiano kwa Jeshi la Polisi kwa kutoa taarifa za uhalifu/wahalifu ili hatua stahiki zichukuliwe.

Kama una habari, maoni, ushauri, picha, na matangazo wasiliana nasi kwa kupitia anwani zifuatazo;

E- mail      sylvestermac87@gmail.com/machibya.richard@yahoo.com

Sim No.     0768367454/0652683063

Facebook

whats app 0768 367454 .