Wakati wiki yanenda kwa usalama ikizinduliwa Kitaifa Mkoani Geita Kamanda wa Polisi Mkoa wa Singida 

 afunga mafunzo ya usalama barabarani  kwa wapanda pikipki (boaboda ) 108 yalifadhiliwa na APEC. Katika Kijiji cha Mtunduru Singida.

APEC (Anti Porverty and Environmental Care) Ni shirika lisilokuwa la kiserikali  ambalo lilianzishwa mwaka 2012 Nchini Tanzania  na makao yake makuu yapo Jijini Dar es salaam. Tangu kuanzishwa kwa shirika hilo  na kwa ushirikiano mkubwa na Jeshi la Polisi Tanzania, limekuwa likijishughulisha na ufadhili wa mafunzo ya Usalama barabarani, Ujasiliamali na ushirikishwaji kwa madereva wa pikipiki maarufu kwa jina la bodaboda. Mkoani Singida Shirika hilo lilianza kutoa mafunzo mwaka 2013 ambapo mpaka kufikia Septemba 2016 Shirika limeweza kutoa mafunzo katika Tarafa zote za Mkoa wa huo.

Aidha APEC imeweza kuendesha mafunzo yaliyochukua muda wa wiki mbili katika Tarafa ya Sepuka, Wilaya ya Ikungi, Mkoani Singida kwa madereva wa pikipiki (boaboda) 108 mafunzo ambayo yalifunguliwa tarehe 13.09.2016 na kufungwa rasmi tarehe 26.09.2016 siku ambayo wiki ya nenda kwa usalama Kitaifa ilizinduliwa Mkoani Geita.

Aidha mafunzo hayo yamefungwa na Kamanda wa Polisi Mkoa wa Singida Kamishina msaidizi mwandamizi wa Polisi (SACP) Peter C. Kakamba ambaye ndiye alikuwa Mgeni Rasmi katika hafla fupi ya kufunga mafunzo hayo.

Akiongea na wahitimu wa mafunzo katika hafla hiyo iliyofanyika katika Ukumbi wa Kanisa la KKKT lilipo katika Kijiji na Kata ya Mtunduru, Mgeni Rasmi ametoa pongezi kwa Shirika la APEC kwa  kufadhili mafunzo hayo ambayo yanalenga kuwajengea walengwa uwezo wa kutambua sheria za usalama barabarani hali ambayo imepunguza ajali kwa kiwango kikubwa kwa mujibu wa takwimu iliyosomwa na Mratibu wa mafunzo hayo Mkaguzi wa Polisi Iddah Ringo takwimu ambayo ilieleza kuwa mwaka 2014 katika Mkoa wa Singida kulikuwa na ajali 4 zilizosababisha vifo kwa siku ambapo baada ya mafunzo hayo kuanza kutolewa  mwaka 2015 ajali zilipungua na kufikia ajali 15 tu kwa mwaka

Kamanda aliwapongeza madereva wote waliohudhuria mafunzo hayo na kuwataka  kuendesha vyombo vyao kwa kuzingatia sheria za usalama barabarani kwa kuwa tayari wameshafundishwa na wanazielewa vizuri kitendo ambacho kitawasaidia kuepuka ajali zisizo za lazima huku akiwataka kuendesha vyombo vyao kwa kujihami.  Akachukua  nafasi hiyo kuwaomba watu wote wakiwemo  watumishi  wa Serikali bila kujali jinsia zao  kushiriki katika mafunzo hayo na ikiwezekana wawe walimu kwa wengine.

Akizungumzia suala la kujichukulia sheria mkononi, Kamanda aliwaasa kuachana na suaala hilo kwani linaweza kusababisha madhara makubwa yakiwemo kujeruhi na hata wakati mwingine vifo. Aliwaomba watoe taarifa za wahalifu/uhalifu katika vituo vya Polisi vilivyokaribu na wao au kwa viongozi wa Serikali ili matatizo yao yashughulikiwe kisheria.

Naye Mkurugenzi wa APEC Tanzania Respicius Bingire Timanywa alitumia nafasi hiyo kuliomba Jeshi la Polisi kubadili mfumo wa kufanya oparesheni za wamiliki wa pikipiki ambao hawalipii ushuru pikipiki zao barabarani bali wawatumie Watendaji wa Vijiji/Kata katika kuwabaini wamiliki wa vyombo vya usafiri kwani wao ndio wanafahamu. Pia aliwaomba TANROADS kuweka vibao vinavyonesha alama za usalama barabarani yakiwemo matuta, madaraja, miteremko, na kona kali katika barabara za vijijini kwani barabara nyingi hazina alama hizo ambazo humsaidia dereva kujua nini kilichoko mbele yake na hivyo kuchukua tahadhali.

Kutokana na mafunzo hayo, wananchi wengi wametambua kuwa udereva wa pipiki (bodaboda) ni sehemu ya ajira na kimekuwa ni chanzo kikubwa cha mapato kwa vijana wengi Nchini Tanzania hali ambayo imechangia kwa kiasi kikubwa kupunguza msongamano wa wafungwa magerzani amesema Mkurugenzi Timanywa. Hivyo ameliomba Jeshi la Magereza Nchini kushirikiana na shirika hilo kwa kutoa elimu ya ujasiliamali kwa kuwa yeye anatambua kuwa Jeshi hilo lina wataalamu wa kutosha kufanya jukumu hilo.

Zifuatazo ni picha za hafla ya kufunga mafunzo ya Usalama barabarani, Ujasiliamali na ushirikishwaji Katika Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi Mkoani Singida. 

 

  Kamanda wa Jeshi la Polisi Mkoa wa Singida Kamishina Msaidizi mwandamizi  wa Polisi (SACP) Peter C. Kakamba akihotubia wahitimu wa mafunzo ya Usalama barabarani, Ujasiliamali na ushirikishwaji Katika Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi Mkoani Singida. 

 

Wapili kutoka kushoto aliyesimama ni Mkurugenzi wa APEK Tanzania Respicius Bingire Timanywa akisisitiza jambo katika hafla fupi ya kufunga mafunzo ya Usalama barabarani, Ujasiliamali na ushirikishwaji kwa madereva wa pikipiki (bodaboda) Katika Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi Mkoani Singida. 

 

Wakwanza kulia ni Mratibu wa Mafunzo ya Usalama barabarani, Ujasiliamali na ushirikishwaji kwa madereva wa pikipiki (bodaboda) Mkoa wa Singida  Mkaguzi wa Polisi Iddah Ringo akisisiza jambo Katika Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi Mkoani Singida. 

 Baadhi ya Washiriki wa mafunzo ya Usalama barabarani, Ujasiliamali na ushirikishwaji kwa madereva wa pikipiki (bodaboda) wakiwa katika hafla fupi ya kufunga mafunzo katika Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi Mkoani Singida.

 

Kamanda wa Jeshi la Polisi Mkoa wa Singida Kamishina Msaidizi mwandamizi  wa Polisi (SACP) Peter C. Kakamba akikabidhi cheti kwa mmoja wa wahitimu wa mafunzo ya Usalama barabarani, Ujasiliamali na ushirikishwaji nje ya Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi, Mkoani Singida. 

 

  Katikati ni  Kamanda wa Jeshi la Polisi Mkoa wa Singida akiwa katika picha ya pamoja na Baadhi ya Washiriki wa mafunzo ya Usalama barabarani, Ujasiliamali na ushirikishwaji kwa madereva wa pikipiki (bodaboda) muda mfupi baada ya hafla fupi ya kufunga mafunzo nje ya Ukumbi wa Kanisa la KKKT Katika Kijiji na Kata ya Mtunduru, Tarafa ya Sepuka, Wilyaya ya Ikungi Mkoani Singida.