Dr. Nchimbi awaongoza watumishi wa uma katika kufanya mazoezi ya viungo Mkoani Singida.

Na Sylvester Richard 

 

Singida.

Mkuu wa Mkoa wa Singida Dr. Rehema Nchimbi amewaongoza watumishi wa uma waliopo katika Manispaa ya Singida katika kufanya mazoezi ya viungo vya mwili.

Aidha mazoezi hayo yameanza kwa kukimbia kutoka katika Ofisi za Manispaa ya Singida hadi viwanja vya michezo vya Shule ya Sekondari Kindia ambapo mazoezi mengine yamefanyika.

Baada ya mazoezi hayo, Dr. Nchimbi akachukua nafasi kuwashukuru na kuwahamasisha watumishi wa Uma waliofika katika mazoezi hayo kujijengea tabia ya kufanya mazoezi mara kwa mara ili kuiweka miili yao tayari kwa jambo lolote kwani mazoezi huleta afya njema na kuwataka wasije katika mazoezi kwa sababu ya maelekezo kutoka juu.

Hata hivyo Dr. Nchimbi amewaahidi watumishi wa Uma na wananchi kwa ujumla kuwa kila wiki ya pili ya mazoezi ya kila  mwezi itakuwa nifursa kweke kutoa taarifa ya maendeleo ya Mkoa ambapo  amewaeleza wananchi wa Singida kuhusu ujenzi wa bomba la mafuta ambalo linatoka Nchini Uganda kwenda Tanga kuwa  litapiata Mkoani Singida na Timu ya wataalamu ambo wanakuja kutambulisha maeneo yatakayopitiwa na bomba hilo tayari wameshafika Mkoani Singida.

Akatanabaisha kuwa, Kutokana na kupita kwa Bomba hilo Mkoa wa Singida unatarajia kunufaika nalo kwa kiasi kikubwa kwani wananchi wa Singida watajipatia ajira mbalimbali na kuongeza thamani ya Uchumi wa Singida na Nchi yote kwa ujumla.

Mwisho Dr. Nchimbi aliwataka wananchi wote wa Mkoa huo kushiriki mazoezi hayo na kuyafanya kuwa ni sehemu ya maisha yao kuliko  kusubiri siku ya Juma mosi ya pili ya  mwezi na kwa mazoezi hayo watakuwa na afya njema ambayo ndiyo  itakayowapa fursa mbalimbali zitakazoletwa na Serikali ya awamu ya tano ya Dr. John Joseph Pombe Magufuli zitakazohusisha Mkoa wa Singida.

 

Mbele pichani ni Mkuu wa Mkoa wa  Singida Dr. Rehema Nchimbi akiongoza  watumishi wa uma waliopo Manispaa ya Singida kwa kutoa mfano wa mazoezi kama anavyonekana pichani katika viwanja vya Shule ya Secondari Kindai.

 

Pichani ni Katibu tawala Mkoa wa Singida  Dr. Anjelina Lutambi akishiriki mazoezi kwa kucheza mchezo ujulikanao kama mchezo wa kumkamata panya ambapo yeye ndiye anayetakiwa amkamate mwenzake aliyeko mbele.

  

Mbele pichani katikati mwenye kofia nyeupe ni Mkuu wa Wilaya ya Singida Mh. Elias John Tarimo akiungana na watumishi wengine kufanya mazoezi katika  viwanja vya Shule ya Secondari Kindai.

  

Katikati mwenye traki yenye rangi ya bluu nyeusi  yenye michirizi myeupe na mmoja mwekundu  ni SSP Florence Menda  OCD  Wilaya ya Singida akishiriki mazoezi kwa hamasa kubwa kwa kukimbia mchaka mchaka ulioanzia Ofisi za Manispaa ya Singida hadi Shule ya Secondari Kindai.

 

Watumishi wa Uma Mchanganyiko wakishirika mazoezi ya viungo baada kukimbia mchaka mchaka kutoka Ofisi za Manispaa ya Singida hadi viwanja vya michezo Shule ya Secondari Kindai.

Kama una habari, Matangazo, Picha, Maoni na Ushauri. Wasiliana nasi kwa anwani zifuatazo

E - mail  -  sylvestermac87@gmail.com

              -   machibya.richard@yahoo.com

Sim No. - 0768 367 454 / 0652 683 063

 Facebook  Machibya Richard