AUAWA KWA WIVU WA KIMAPENZI BAADA KUKUTWA AKIWA NA MKE WA MTU CHUMBANI.

AUAWA  KWA WIVU WA KIMAPENZI BAADA KUKUTWA AKIWA NA MKE WA MTU CHUMBANI

  

SINGIDA

Mtu mmoja anayejulikana kwa jina la Idd Selemani, (40), Mkazi wa Jineri katika Maspaa ya Singida aliuawa kwa kuchomwa na kisu sehemu mbalimbali za mwili wake na Mtuhumiwa aitwaye Khalid  Rajabu, (45), fundi viatu na Mkazi wa Jineri baada ya mtuhumiwa huyo kumkuta akiwa na Mke wake chumbani kwake.

Akiongea na waandishi wa habari Ofisini kwake hii leo, Kamimu Kamanda wa Polisi Mkoa wa Singida Mrakibu Mwandamizi (SSP) Isaya K. Mbughi ameeleza kuwa Mkasa huo ulitokea jana majira ya saa majira ya saa 9:30 alasiri.

Ameeleza kuwa Jeshi la Polisi Mkoa wa Singida lilipata taarifa kuhusiana na tukio hilo ambapo Askari wake walifika katika eneo la tukio na kufanya uchunguzi wa awali na kubaini

mbinu aliyoitumia mtuhumiwa kufanya tukio hilo kuwa ni kumvizia Marehemu akiwa na Mke wa Mtuhumiwa aitwaye Mariam Ibrahimu, (25), ambaye ni mlemavu wa macho, mkazi wa Jineri wakiwa chumbani kwa mtuhumiwa ambapo mtuhumiwa  huyo aliingia chumbani kwake  kisha kufunga mlango na kuanza kumshambulia Marehemu na kumsababishia majeraha kisha kufariki muda mfupi wakati akipelekwa Hospitali ya Mkoa Singida.

 Hata hivyo Mbughi ameeleza chanzo cha mauaji hayo kuwa ni wivu wa kimapenzi na Jeshi la Polisi linawashikilia watuhumiwa Khalid  Rajabu na mke wake kwa mahojiano na baada ya mahojiano kukamilika watuhumiwa watafikishwa Mahakamani kujibu tuhuma zinazowakabili.

Kaimu Kamanda ametoa wito kwa Wananchi wote kwa  kuwataka kuacha kujichukulia sheria mkononi bali watoe taarifa vituo vya Polisi pindi wanapopata migogoro yenye utata ili kuchukua hatua  za kisheria na kuongeza kuwa  wazazi/wanandoa wanatakiwa kuwa waaminifu katika ndoa zao ili kuepusha migogoro inayoweza kuleta athari.

 Kaimu Kamanda wa Polisi Mkoa wa Singida SSP Isaya K. Mbughi akiongea na waandishi wa habari Ofisini kwake hii leo.

 

Kama una Habari., Matangazo, Picha, Maoni na ushauri , tuma kupitia anwani zifuatazo;
E-mail sylvestermac87@gmail.com/machibya.richard@yahoo.com
Sim no . 0768367454/0652683063 . WhatsApp 0629655814