ABAKA WATOTO 14 SINGIDA ASHIKILIWA NA POLISI

SSP ISAYA K. MBUGHI AKIONGEA NA WAANDISHI WA HABARI OFISINI KWAKE.

ABAKA WATOTO 14 SINGIDA ASHIKILIWA NA POLISI.

Na  Sylvester Richard.

SINGIDA.

Mtu mmoja nayejulikana kwa jina la Daudi Idd @ Karatu  Babu, (74), Mganga wa kienyeji anayeishi katika Mtaa wa Unyankindi katika Manispaa ya Singida anashikiliwa naJeshi la Polisi Mkoani humo kwa kosa la kubaka watoto wapatao 14.

Akiongea na waandishi wa habari Ofisini kwake hii leo majira ya 4:30 asubuhi Kaimu Kamanda wa Polisi Singida SSP Isaya K. Mbughi ameeleza kuwa Mtuhumiwa aligundulika kutenda kosa hilo siku ya tarehe 16.10.2017 majira ya 11.45 jioni huko  Maeneo ya Unyankindi, Mtaa wa Minga Kata ya Mitunduruni, Tarafa ya Mungumaji Manispaa ya Singida ambapo Mtoto mwenye umri wa miaka 7, jina lake linahifadhiwa , Mwanafunzi wa Darasa la II katika Shule ya Msingi Unyankindi akiwa anaogeshwa na Mama yake alidai kuwa anahisi maumivu makali sehemu zake za siri na Mama huyo alipomdadisi Mtoto alisema kuwa alibakwa na  Mtu aitwaye Daudi Idd @ Karatu  Babu,  Mganga wa kienyeji anaishi karibu na Shule ya Msingi Unyankindi.

Kaimu Kamanda Mbughi ameeleza kuwa baada ya Mama huyo kubaini maumivu ya mwanae alimchunguza Mtoto wake na kugundua kuwa anamichubuko sehemu za siri ndipo alipoenda kutoa taarifa kwa Mwenyekiti wa Mtaa wa Minga ambapo kwa kushirikiana na Polisi Kata ya Minga walikwenda moja kwa moja nyumbani kwa mtuhumiwa Daudi Idd @ Karatu  Babu ambapo walipofika walikutana na watoto wengine wakitoka nyumbani kwa Mtuhumiwa ambao nao baada ya kuhojiwa walidai kuwa nao wamebakwa.

Mbughi amesema kuwa kuhusiana na tukio hilo watuhumiwa wawili ambao ni mtuhumiwa Daudi Idd @ Karatu Babu na Mwanae wa kumlea Abdallah Yahaya @ Kola, (31), Dereva wanaoishi katika nyumba moja na Jeshi la Polisi na kutanabaisha kuwa uchunguzi wa awali umefanyika na  kubaini kuwa mtuhumiwa Daudi Iddi amekuwa akiwabaka watoto wenye umri  kati ya maiaka 7 na 12  kwa nyakati tofauti tangu Desembe 2016  hadi Octoba 2017 ambapo Mpaka kufikia siku ya tarehe 16.10.2017 watoto wapatao 14 majina yanahifadhiwa ambao  ni wanafunzi wa Shule za Msingi tofauti zikiwemo shule za  Unyankindi, Singidani, Shule ya Nyerere na Shule ya Msingi Muhanga wamelalamika kubakwa na mtuhumiwa huyo.

SSP Mbughi amesama kuwa  mbinu aliyokuwa akiitumia mtuhumiwa kufanikisha ubakaji huo kuwa ni kuwarubuni watoto wa kike kwa kuwaonyesha video /movie kwenye kompyuta mpakato (raptop) na wakati huo akiwa mmoja mmoja kwa nyakati tofauti anatumia muda huo kuwaingilia kimwili au kuwachezea sehemu zao za siri ambapo watoto hao walizoea kila unapofika muda wa mapumziko na muda wa mchana baada ya kuruhusiwa kwenda nyumbani watoto hao hupita nyumbani kwa watuhumiwa kwa lengo la kuangalia video na ndipo hbakwa na baada ya  kuingiliwa watoto hao hupewa kati ya Tsh. 200/= hadi Tsh. 2,000/= na pipi kama zawadi yao  na kuwapaka unga kwenye paji la uso na kuwatishia kuwa kama wangemwambia mtu wangekufa kwa kuwa yeye ni Mganga wa tiba asila. Hata hivyo ulifanyika upekuzi ndani ya nyumba hiyo wanayoishi watuhumiwa na kufanikiwa kupata pipi ambazo watuhumiwa huzitumi kuwarubuni watoto.

Mbughi ameeleza kuwa Jeshi la Polisi lilifika katika Shule husika na kufanikiwa kuwapata wototo 14 wanaosadikiwa kubakwa na watuhumiwa na Kwa kushirikiana na Daktari, watoto walifanyiwa vipimo katika Hospitali ya Mkoa Singida na kubainika kuwa watoto 12 wameingiliwa kimwili na kuongeza kwa kusema kuwa watuhumiwa wanashikiliwa na Jeshi la Polisi kwa mahojiano zaidi na baada ya mahojiano kukamilika watafikishwa mahakani kwa makosa ya Kubaka, Shambulio la aibu na Kula njama kutenda kosa.

Kaimu Kamanda Mbughi ametoa rai kwa wazazi kuwa makini na mienendo ya watoto wao na kuwa nao karibu ili kujua mienendo yao hali ambayo itasaidia kuzuia vitendo vya kikatili kwa watoto.

Kama una Habari., Matangazo, Picha, Maoni na ushauri , tuma kupitia anwani zifuatazo;
E-mail sylvestermac87@gmail.com/machibya.richard@yahoo.com
Sim no . 0768367454/0652683063 . WhatsApp 0629655814