PAMBANO LA SINGIDA UNITED NA YANGA TAREHE 04.11.2017 NAMFUA SINGIDA.

PAMBANO LA SINGIDA UNITED NA YANGA TAREHE 04.11.2017 NAMFUA SINGIDA.

Na Sylvester Richard.

SINGIDA.

Ni kwa mara ya kwanza kabisa katika ligu kuu ya Vodacom Tanzania Bara kwa msimu wa 2017/2018 ambapo Pambano la mpira wa miguu kati ya Singida United na Dar es salaam Young African litafanyika katika  Uwanja wa Mpira wa Miguu wa CCM Namfua hapo siku ya tarehe 04.11.2017.

Tangu msimu huu wa ligi Kuu uanze Timu ya Singida United haikuweza kuutumia uwanja huo kutokana na kukosa sifa jambo ambalo limeifanya Timu hiyo kucheza mechi zake Nje ya Mkoa wa Singida suala mambalo limekuwa likiwaumiza sana wapenzi wa Mpira wa miguu na mashabiki wa Singida United ambao hushindwa kwenda Nje ya Mkoa na wengine kusafiri kwa gharama kubwa.

Hata hivyo juhudi za viongozi mbali mbali zinafanyika katika kuukarabati Uwanja wa Mpira wa Miguu Namfua ili Timu ya Singida United iweze kucheza mechi zake za nyumbani zilizobaki katika msimu huu wa ligi kuu ya Vodacom katika uwanja huo.

Machibya Blog imefika katika uwanja wa Namfua na kujionea hatua iliyofikiwa katika marekebisho ya Uwanja huo ambapo imeweza kukutana na Diwani wa Kata ya Kindai Ndugu Omary Salumu Hamisi alimaarufu Kinyeto ambaye ni Mjumbe wa Kamati ya ukarabati wa Uwanja wa Namfua vilevile ni Makamu mwenyekiti wa Chama cha mpira wa miguu Singida SIREFA na kueeleza kuwa uwanja umefikia katika hatua nzuri na upo tayari kufunguliwa siku ya tarehe 04.11 2017 kwa kuzikutanisha timu za Singida united na Yanga ambapo Bodi ya Ligi kutoka TFF ikiwakilishwa na Mjumbe Alfred Rwiza imefika na kukagua uwanja huo.

Mh. Kinyeto ameeleza kuwa  mpaka sasa uwanja wa Namfua upo katika ubora na hakuna uwanja mwingine unaofatia kwa ubora ukitoa uwanja wa Taifa, Uhuru na CCM Kirumba na kuwahakikishia wapenzi wa Mpira wa miguu Mkoa wa Singida kuwa sasa wataanza kuangalia mechi katika Uwanja wa Namfua.

Akizungumza kuhusu ushabiki amesema kuwa yeye ni mmoja kati ya mashabiki wengi wa Singida United na kuwaomba mashabiki wajitokeze kwa wingi siku ya tarehe 04.11.2017 kuipa nguvu timu hiyo ili iweze kushinda katika mechi huku akiiinadi timu hiyo kuwa ni bora na anaimani nayo kuwa itatwaa Ushindi dhidi ya timu ya Yanga.

Naye Sospeter Mtalai ambaye ni Shabiki wa Singida united  ameeleza kuridhishwa na hatua iliyofikiwa katika ukarabati wa Uwanja wa Mpira Namfua na kutoa pongezi kwa wasimamizi wa Uwanja hou ambapo Timu ya Singida United haitatumia Uwanja wa Dodoma tena kama uwanja wa nyumbani hali iliyopelekea mashabiki pia kulazimika kusafiri umbali mrefu na kutumia gharama kubwa. Amewaomba wasimamizi wakamilishe mapungufu madogo madogo ambayo yanaonekana bado ikiwa ni pamoja na kuwaomba wadhamini wajitokeze kwa wingi ili waweze kuweka matangazo ya biashara zao.

Mtalai amewaomba mashabiki wenzake kujitokeza kwa wingi siku ya ufunguzi wa Uwanja huo ili waweze kuishangilia timu yao ya Nyumbani Singida United kwa lengo la kuihamasisha na hivyo kupata ushindi ambao utaiweka katika nafasi nzuri katika msimamo wa ligi na kuwaasa wachezaji wa Singida United kuzingatia mazoezi na maelekezo ya viongozi wao ili kujijengea uwezo mkubwa hali ambayo itawasaidia wao wenyewe kujitangaza na kusajiliwa katika timu kubwa na hivyo kuutangaza Mkoa wa Singida.

KILA LA KHERI SINGIDA UNITED

Machibya Blog pia imeweza kuingia mitaani na kukutana na watoto wa Mtaa wa Unyankindi Manispaa ya Singida wapenzi wa soka ambapo wameeleza kuwa wanaipenda Timu ya Singida United na kueleza kuwa wanafanya mazoezi ili siku moja waweze kuwa wachezaji bora ambao wanaweza kujiunga na timu kubwa na kuitakia ushindi Timu ya Singida United siku mechi yao na Yanga.

Hivyo ndivyo uvyoonekana uwanja wa Namfua Singida ukiwa katika hatua za mwisho katika maandalizi za ya ufunguzi wa uwanja huo siku ya tarehe 04.11.2017 ambapo timu za Singida United na Yanga zitamenyana uwanjani hapo katika mwendelezo wa ligi kuu ya Vodacom

Pichani ni Vyumba vya kubadilishia mavazi wachezaji vilivyopo katika uwanja wa Namfua unaofanyiwa ukarabati kwa hatua za mwisho

Diwani wa Kata ya Kindai Ndugu Omary Salumu Hamisi alimaarufu Kinyeto ambaye ni Mjumbe wa Kamati ya ukarabati wa Uwanja wa Namfua vilevile ni Makamu mwenyekiti wa Chama cha mpira wa miguu Singida SIREFA akionge na Machibya blog katika uwanja wa Namfua unaoendelea kukarabatiwa kwa hatua za mwisho.

 

  Sospeter Mtalai ambaye ni Shabiki wa Singida united  akieleza kuridhishwa na hatua iliyofikiwa katika ukarabati wa Uwanja wa Mpira Namfua.

Katikati ni Mkurugenzi wa Machibya blog   Ndugu Sylvester Machibya wengine na baadhi ya Mashabiki wa Singida United waliofika kuona maendeleo ya ukarabati ya uwana wa Namfua Singida.

Kama una Habari., Matangazo, Picha, Maoni na ushauri , tuma kupitia anwani zifuatazo;
E-mail sylvestermac87@gmail.com/machibya.richard@yahoo.com
Sim no . 0768367454/0652683063 . WhatsApp 0629655814