DEREVA NA UTINGO WAKE WAFARIKI DUNIA BAADA YA GARI LAO KUPINDUKA NA KUUNGUA MOTO KATIKA ENEO LA MLIMA SEKENKE SINGIDA.

DEREVA NA UTINGO WAKE WAFARIKI DUNIA BAADA YA GARI LAO KUPINDUKA NA KUUNGUA MOTO KATIKA ENEO LA MLIMA SEKENKE SINGIDA.

Na Syliveater Richard.

SINGIDA.

Watu wawili wanaume mmoja akisadikiwa kuwa ni Dereva na Mwingine Utingo wamefariki Dunia Mkoani Singida kutokana na kuungua kwa moto baada ya Gari walikuwa wakisafiria kupata ajali katika eneo la Mlima Sekenke, Wilaya ya Iramba Mkoani Singida.

Akiongia na waandishi wa Habari hii leo Majira ya saa 8:30 mchana katika eneo la Mzani Singida akiwa katika mwendelezo wa kufuatili taarifa za ajali hiyo  Kamanda wa Polisi Mkoa wa Singida ACP Debora D. Magiligimba ameeleza kuwa ajali hiyo imetokea leo  majira ya saa 4:30 asubuhi ambapo Gari Namba T.167 BQT aina ya Flight Liner Tenker lenye tela Namba T.967 ALX Mali ya Kampuni ya Petrol mark African yenye Makao yake makuu  Jijini Dar es salaam likitokea Dar es salaam – Mutukula kwa kutumia barabara kuu ya  Singida – Nzega liliacha njia, Kupinduka, Kuungua moto, na kusababisha vifo vya watu hao.

Ameeleza kuwa Jeshi la Polisi limefanya uchunguzi wa awali  na kubaini kuwa gari hilo lilipima katika Mzani wa Singida hii leo majira ya saa 1:27 asubuhi likiendeshwa na Dereva aitwaye Erasto Abed Lusazi akiwa na Utingo aitwaye Ramadhani Hashimu Ramadhani Wote wakazi wa Tabata Dar es salaam na ndiyo wanaosadikiwa kufariki katika ajali hiyo.

Mgililigimba sema kuwa Jeshi la Polisi Mkoani Singida linaendelea na uchunguzi kuhusiana na ajali hiyo ili kujua chanzo halisi na kisha kutoa wito kwa madereva wote kuendelea kutii sheria za usalama barabarani  wa Singida. Miili ya Marehemu imehifadhiwa katika Hospita ya Wilaya ya Iramba kwa Uchunguzi wa Daktari.

 Kamanda wa Polisi Mkoa wa Singida  ACP Debora D. Magiligimba akikagua eneo la ajali iliyotokea hii leo kaika eneo la Mlima Sekenke Mkoani Singida

 Baadhi ya nyaraka zinoonesha jina la mmoja wa watu wawili waliofarika katika ajali iliyotokea hii leo katiia eneo la mlima Sekenke Mkoani Singida

 Kamanda wa Polisi Mkoa wa Singida  ACP Debora D. Magiligimba akiendelea kufuatilia taarifa za watu waliofariki Dunia kwenya ajali iliyotokea hii leo katika eneo la mlima Sekenke Mkoani Singida. Ufuatiliaji huo umefanyika katika Ofisi za Mzani Singida.

Pichani ni gari lililopinduika likiendelea kuwaka moto hii leo katiia eneo la mlima Sekenke Mkoani Singida.

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454/0652683063

                Namba yetu ya WhatsApp 0629 655814

                Facebook  - machibya richard.