FUVU LA FUVU LA KICHWA CHA MWANAMKE ALIYEPOTEA MIAKA 8 LAPATIKANA KWENYE PANGO LA MBUYU

FUVU LA KICHWA CHA MWANAMKE  ALIYEPOTEA MIAKA 8 LAPATIKANA KWENYE PANGO LA MBUYU

Na.  Sylvester Richard.

Mkala – Singida  

Masailia ya mwili likiwemo Fuvu lakichwa linalodhaniwa kuwa ni la mwanamke aitwaye Tabu Robert, (28), Mkazi waYulansoni, Kata na Tarafa ya Kinyangiri, Wilaya ya Mkalama, Mkoani Singida ambaye anadaiwa kupotea  miaka 8 iliyopita limepatikana likiwa kwenye pango la mbuyu uliopo umbali wa mita takribani 600 kutoka nymbani kwao.

Akiongea na Wandishi wa habari hii leo Ofisini kwake, Kamanda wa Polisi Mkoa wa Singida ACP Debora D. Magiligimba ameeleza kuwa mnamo tarehe 08.09.2010 Huko katika Kituo cha Polisi Kinampanda, Wilaya ya Iramba, Mkoa wa Singida Benard  Shumba, (47),  Mnyiramba,  Mkulima na Mkazi wa Kijiji cha Yulansoni alifika Kituoni hapo na kutoa taarifa kuwa Mke wake aitwaye Tabu Robert, (28), Mkazi wa Yulansoni haonikani nyumbani kwake. Juhudi za kumtafuta kwa kushirikiana na ndugu zake zilianza bila mafanikio ndipo alipoendelea kuishi kijijini hapo akitunza mwanae aliyeachwa na Mama yake.

Kamanda Magiligimba ameeleza kuwa Jeshi la Polisi kwa kushirikiana na Raia wema liliendelea kumtafuta ambapo siku ya tarehe 17.03.2018 lilipata taarifa kutoka kwa raia wema kuwa Tabu Robert hakupotea bali aliuawa  na Mme wake ambapo Askari wa Jeshi la Polisi walifika nyumbani kwa Mtuhumiwa na  kufanikiwa kumkamata, kumhoji  na  kukiri kufanya mauaji hayo siku ya tarehe 07.09.2010 majira ya saa 2:00 usiku akiwa nyumbani kwake na kueleza kuwa baada ya kutenda kosa hilo aliuchukua mwili wa Marehemu na kwenda kuuficha kwenye mti wa mbuyu ambao una shimo kubwa na kisha kutoa taarifa katika Kituo cha Polisi hicho huku chanzo cha mauaj hayo akieleza kuwa ni ulevi wa pombe za kienyeji wa Marehemu  na kumuacha Mtoto mdogo mwenye umri wa miaka miwili peke yake kitendo ambacho kimekuwa kero kwa Mtuhumiwa.

Hata hivyo ACP Magiligimba ameeleza kuwa baada ya mahojiano, siku ya tarehe  18.03.2018 majira ya saa 10:00 jioni Jeshi la Polisi kwa kushirikiana na Wananchi walifika eneo la tukio ambalo lipo umbali wa Mita 600 kutoka nyumbani kwa Mtuhumiwa  na kukuta masalia ya mifupa, fuvu na mbavu zidhaniwazo kuwa ni za binadamu ndipo Askari  Polisi walipochuka sampuli za mabaki hayo kwa uchunguzi zaidi na mabaki mengine kukabidhiwa  kwa Ndugu wa Marehemu kwa hatua za mzishi.

Kuhusiana na tukio hilo Magiligimba amtanabaisha kuwa Jeshi la Polisi linamshikilia mtuhumiwa Benard s/o Shumba kwa uchunguzi zaidi na baada ya uchunguzi kukamilika atafikishwa Mahakamani kujibu tuhuma zinazomkabili ambapo ametoa wito kwa Wananchi wote wa Mkoa wa Singida kuendelea kutoa Taarifa zitakazosaidia kuwabaini wahalifu katika maeneo yao ili kuzidi kutokomeza uhalifu Mkoani Singida pia kuacha tabia za kujichukulia sheria mkononi pindi wanapokuwa na migogoro ya aina yoyote bali watoe taarifa kwa viongozi wa Serikali za Mitaa au katika vituo vya Polisi vilivyokaribu na wao ili matatizo yao yatatuliwe kisheria  

 Kamanda wa Polisi Mkoa wa Singida akijadili jambo na waandishi wa habari leo hii muda mfupi baada ya kotoa taarifa kuhusu masalia yanayosadikiwa kuwa ni ya Mwanamke aliyepotea takribani miaka 8 iliyopita. .

  Picha ya Raia mwema akiingia katika pango la mti aina ya Mbuyu ili kutoa masalia ya mwili wa binadamu anayesadikiwa kutupwa humo baada ya kuuwa

 Picha ya Mti aina ya Mbuyu ambao ndani ya pango lake kuna masalia ya mwili wa Binadamu  anayesadikiwa kutupwa humo baada ya kuuwa

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454/0652683063

                Namba yetu ya WhatsApp 0629 655814

                Facebook  - machibya richard.