Watu watano wamefariki dunia na wengine wawili kujeruhiwa Mkoani  Singida  baada ya ajali mbili kutokea katika maeneo na nyakati tofauti.

Kwa maoni,ushauri, habari, picha na matangazo wasiliana nasi kwa kupitia anwani zifuatazo’

-sylvestermac87@gmail.com

- machibya.richard@yahoo.com

- simu No. 0768 367 454/Whatspp

                  0652 683 063

                     Facebook, Machibya Richard

Na Sylvester Richard.

Singida

Watu watano wamefariki dunia na wengine wawili kujeruhiwa Mkoani  Singida  baada ya ajali mbili kutokea katika maeneo na nyakati tofauti.

Akiongea na waandishi wa habari katika Ofisi yake,  Kamanda wa Jeshi la Polisi  Mkoa wa Singida Kamishina Msaidizi (ACP) Thobias G. Sedoyeka amesema kuwa ajali zote zimetokea

terehe 14.07.2016 ambapo ajali ya kwanza imetokea  majira ya saa 03:45 usiku huko katika maeneo ya  Tambukareli, Kata, Tarafa na Wilaya ya Manyoni  katika barabara kuu ya  Manyoni- Dodoma ambapo Jofrey  Msengeni, (46) Mpogoro Mkazi wa Dar es salaam akiendesha gari  No. T.373 BAP/T.703 AFR SCANIA TANK inayomilikiwa na Kampuni ya  PETROL AFRICA akitokea Dar es salaam - Kahama akiwa amepakia mafuta aina ya petrol aligongana na gari No. T. 159 AZX TOYOTA NOAH iliyokuwa ikiendeshwa na Adam Seif, (63), Mwarabu, Mkazi wa Manyoni mjini na kusababisha vifo vya abiria  wawili na majeruhi wawili ndani ya Noah.

Kamanda Sedoyeka aliwataja waliofariki katika ajali hiyo kuwa  ni ahamed Musa, (65), Mwarabu, Mkulima wa Kintinku Manyoni na Said s/o Arafati, (30), Mwarabu, Mfanyabiashara na mkazi wa Dodoma mjini na waliojeruhiwa ni Adam Seif, (63), Mfanyabiashara, Mkazi wa Manyoni mjini, amepata majeraha kichwani, mikono yote na mgongo na Abdallah Mohamed, (62), Mwarabu, Mfanyabiashara wa Manyoni mjini, amepata majeraha kichwani na kavunjika mbavu. Majeruhi wote wamelazwa katika Hospitali ya Wilaya ya Manyoni hali zao ni mbaya hali kadhalika Miili ya marehemu imehifadhiwa hospitalini hapo  ikisubiri taratibu za mazishi.

Aidha katika ajali ya pili Kamanda Sedoyeka alisema kuwa ilitokea majira ya saa 1:00 usiku huko maeneo ya Muhalala na Kata Muhalala, Tarafa na Wilaya ya Manyoni, ambapo  Gari No.  T.163 BASI SCANIA MALI YA Kampuni ya  OSAKA likitokea Musoma - Dar es salaam likiendeshwa na Leo s/o Kariwa likiteremka Mlima Muhalala liliwagonga watu watatu waliokuwa wakitoa msaada katika gari NO T.490 BDX/T591 BCV SCANIA lililokuwa limeshaharibika na kuwasababishia vifo vyao papo hapo. Basi hilo pia kutokana na kukosa mwelekeo liliigonga  gari NO. T432 BDU Mitsubishi Fuso ikiendeshwa na Mwanga s/o Kasomo, (35), mgogo, mkazi wa kinanga manyoni ikipandisha mlima na kusababishia kupinduka na basi kuacha njia na kugonga jiwe.

ACP Sedoyeka alieleza kuwa  waliofariki katika ajali hiyo ni: Charles s/o Mesomapya, (52), mgogo,  Juma s/o Mbonje, (43), msukuma na  Adam s/o Sadik, (36), wote wakulima na wakazi wa Muhalala ambapo Miili yao imehifadhiwa  hospitali ya Manyoni ikisubiri taratibu za mazishi na kuongeza kuwa kuhusiana na ajali hiyo hakuna  mtu/watu wanaoshikiliwa kwani madereva walitoroka baada ya kusababisha ajali hiyo ambapo Jeshi la Polisi linawatafuta ili wakamatwe na kufikishwa Mahakamani.

Kamanda Sedoyeka hakusita kutoa wito kwa madereva wote na watumiaji wengine wa barabara kwa kuwataka kuendesha vyombo vyao kwa kuzingatia sheria, kanuni na taratibu za usalama barabrani pia aliwaasa madereva kukagua magari yao mara kwa mara ili kubaini ubovu wa magari yao na kurekabisha hivyo kuepuka ajali zisizokuwa za lazima.

Katika mikakati ya kupunguza ajali, ACP Sedoyeka alisema kuwa Kamati ya ulinzi na usalama ya Mkoa itakutana  ili kuweza kujadili na kupata uvumbuzi wa kulitatua tatizo la ajali katika Mkoa wa Singida.