Wananchi wa Singida waaungana na Watanzania wengine katika kuadhimisha siku ya Mashujaa.

Kama una habari, maoni, ushauri, matangazo na picha, tuma kupitia anwani zifuatazo;

Email - Sylvestermac87@gmail.com

-          machibya.richard@yahoo.com

-          Facebook – Machibya Richard

-          Sim no. 0768 367 454

-                        0652 683 063

Na Sylvester Richard.

Singida.

Kila mwaka inapofika tarehe 25.Julai Nchini Tanzania hufanyika maadhimisho ya kuwakumbuka Mashujaa waliopigana vita mbalimbali. Mwaka 2016 maadhimisho hayo Kitaifa  yamefanyika Mkoani Dodoma.

Hapo awali maadhimisho hayo yalikuwa yakifanyika siku ya tarehe 1. Sept. kila mwaka ambapo baada ya vita vya  Kagera mwaka 1978 - 1979 ilihamishiwa Tar. 25. Julai siku ambayo Mashujaa walipokelewa baada ya ushindi mkubwa dhidi ya Majeshi ya Dhalim na Dikteta  Idd Amin Dadaa .

Katika Mkoa wa Singida Maadhimisho hayo yamefanyika ki Mkoa Wilayani  Manyoni huku Mgeni rasmi akiwa ni Mkuu wa Mkoa wa Singida Mhandisi Mathew Mtigumwe.

Akiongea na wananchi wa Singida katika hotuba yake Mhandisi Mtigumwe amesema kuwa maadhimisho hayo hufanyika kila mwaka ili kuwakumbuka Mashujaa waliopigana vita vikuu vya dunia ambapo vita ya kwanza ilikuwa mwaka 1914 – 1918 na vita ya pili  ya Dunia mwaka 1939 – 1945.

Amewataja mashujaa wengine kuwa ni wale waliopigana katika ukombozi wa Nchi ya Tanzania kupigania uhuru na wengine walipigana vita vya uvamizi wa Nduli Idd Amini Dadaa wa Uganda.

Mtigumwe aliwataja baadhi ya Mashujaa wanaokumbukwa kuwa ni pamoja na Mtwa Mkwawa wa Iringa , Kinjikitile Ngwale,  Mtemi Mirambo na Isike  wa Tabora, All Bushiri Bin Salum na  Kimweri wa Tanga.

Katika kupigania uhuru wa Nchi ya Tanganyika na Zanzibar, Mtigumwe amewataja Mashujaa waasisi wa Mataifa hayo  ambao ni Mwl Julius Kambarage Nyerere Rais wa kwanza wa Tanganyika na Hayati Abeid Karume Rais wa kwanza wa Zanzibar ndiyo walioongoza mapambano dhidi ya wakoloni na hatimaye Nchi hizo kujinyakulia uhuru.

Kwa kupitia maadhimisho hayo, Mhandisi Mtigumwe amewaasa wananchi wa Singida kuitunza tunu ya amani ambayo ni mbegu iliyopandwa na mashujaa hao na maadhimisho hayo ni ishara ya kuwaenzi na kuwathamini mashujaa wote walio hai na waliotangulia mbele ya haki.

Kisha Mtigumwe alitoa wito kwa wananchi wote kwa ujumla kutoa michango yao katika ulinzi na usalama wa Nchi ya Tanzania kwa kutoa taarifa za viashiria vya uvunjifu wa amani kwa vyombo vya ulinzi na usalama ili viweze kuthibitiwa mapema.