RC Singida amwapisha Mkuu mpya wa Wilaya ya Manyoni

Kwa maoni,ushauri, habari, picha na matangazo tuma kwa kupitia anwani zifuatazo’

-sylvestermac87@gmail.com

- machibya.richard@yahoo.com

- simu No. 0768 367 454/Whatspp

                     0652 683 063

                     Facebook, Machibya Richard

Na Sylvester Richard.

   Singida.

Mkuu wa Mkoa wa Singida Mhandisi Mathew Mtigumwe amemwapisha Mkuu  wa Wilaya ya Manyoni  Geofrey  Mwambe  ambaye alikuwa safari wakati wakuu wa wilaya wengine wanne wakiapishwa siku ya terehe 01.07.2016 .

Akiongea muda fupi baada ya kumwapisha Mkuu wa Wilaya huyo, Mhandisi Mtigumwe alimuasa kwenda kufanya kazi kwa uadilifu mkubwa katika  kusimamia wafanyakazi ili kuweza kuwatumikia wananchi vizuri na kuleta maendeleo stahiki ikiwa ni pamoja na kusimamia mapato ili mapato hayo yalete maendeleo kwa  kukusanya kodi kupitia  wafanyabiashara wenye leseni halali . Alimtaka Mkuu wa Wilaya huyo kwenda Kusimaia halimashauri ili zikae na mamlaka ya mapato ili zifanye kazi kama timu badala ya kila mmoja kufanya kazi kivyake.

Mhandisi Mtigumwe alimtaka kwenda kusikiliza  kero za wananchi kwani kuna watendaji wanaofanyakazi kwa mazoea kama Miungu Watu na kusema kuwa  tatizo hilo linatakiwa liondolewe ili Singida iwe mfano mzuri kwa maendeleo chanya. 

Kuhusiana na miradi alieleza kuwa kuna miradi ambayo inatelekelezwa ambapo  katika aslimia 40 ya bajeti  ya mwaka ni miradi, kuna miradi ambayo inatekelezwa kwenye ngazi ya Wilaya na katika Halimashauri zetu, lazima isimamiwe vizuri kwani ofisi za Wakuu  wa Wiliaya ndizo zitatumika moja kwa moja katika kuangali  Mirada inatekelezwaje.  

Kuhusu tatizo la watumishi hewa Mhandi Mtigumwe alieleza kuwa zoezik hilo ni endelevu kwani linajitokeza mara kwa mara kwa hiyo mtu anapostaafu, kuachishwa kazi au kufarika lazima aondokewe kwenye daftari la malipo maramoja.

Akiongea kuhusu suala la madawati alimweleza Mkuu wa Wilaya kuwa  wilaya ya Mnyoni ilikuwwa ya mwisho katika kukamilisha zoezi hilo na kumtaka alisimamie hilo ili kufikia tarehe 15.06.2016 wilaya yake iwe imekamilisha zoezi hilo ambapo Mkoa mzima utakuwa umekamilisha na kuongeza kuwa  baada ya madawati zoezi litahamia kwenye madarasa na maabara ambapo kitaandaliwa kikao cha elimu kwa ujumla ambacho kitashirirkisha wadau wa elimu wote ili kuweza kujadiliana maswala yanayohusu elimu kwani Mkoa wa Singida umekuwa wa 18 katika matokeo ya kidato cha nne ambapo kikao hicho kitapanga namna ya kuongeza juhudi na kupiga hatua kubwa katika kuboresha elimu.

Kuhusu kilimo Mkuu wa Mkoa alieleza kuwa kutokana na Mkoa wa Singida kuwa na Mvua chache alimtaka Mkuu wa Wilaya ya Manyoni kwenda kuwahamasisha  wananchi kulima mazao yanayostahimili ukame ikiwa ni pamoja na kuanzisha  maeneo ya masoko ili mkulima asiuze mazao yake nyumbani bali apeleke katika soko ambapo Halimashauri inaweza kukusanya mapato yake.

Mhandisi Mtigumwe alimalizia kwa kusema kuwa tangu tarehe 01.07.2016 mchakamchaka wa kusaka maendeleo  kwa kasi umeanza na hivyo alimtaka  Mkuu wa wilaya  kutokusita kumchuklulian hatua mtu yeyote atakayekwamisha shughuli nzima ya kuleta maendeleo katika Mkoa wa Singida na Nchi nzima kwa ujumla.