Mbunge Tundu Lisu akamatwa na Jeshi la Polisi baada ya hotuba yake Ikungi  mkoani Singida.

                                                                    Tuma maoni, ushauri, habari na picha kuptia

                                                                    E,mail – sylvestermac87@gmail.com

       -          machibya.richard@yahoo.com

       -          Facebook Machibya Richard

-          Sim 0768 367454

-                  0652 683063

                                                                                        

Na. Sylvester Richard

Singida

Mbunge kupitia Chama Cha Demokrasia na Maendeleo (CHADEMA) Mh. Tundu Lisu anashikiliwa na Jeshi la Polisi kwa kosa la kutoa maneno ya kichochezi.

Akiongea na waandishi wa habari ofisini kwake, Kamanda wa Jeshi la Polisi Mkoa wa Singida Kamishina Msaidizi Wa Polisi (ACP) Thobias  G. Sedoyeka amesema kuwa Mbunge Tundu Lisu alitoa maneno ya uchochezi wakati akihotubia katika mkutano wake na  wananchi wa Jimbo la Ikungi Mashariki  tarehe 03/08/2016.ambapo mkutano ulianza majira ya saa   9:45 alasiri na kumalizika majira ya saa 12:20.

Aidha ACP Sedoyeka ameeleza kuwa katika mkutano huo Mbunge huyo alitoa maneno ya uchochezi kwamba tarehe 1.09.2016 watu wote wajitokeze kufanya mikutano Nchi nzima bila uoga kuunga mkono kaulimbiu ya Umoja wa Kupinga Udikteta Tanzania (UKUTA) na kwamba Rais Magufuli hana mamlaka yoyote ya kuwazuia kufanya mikutano hiyo huku akidai kuwa jukumu hilo ni la Mkuu wa Polisi Wilaya husika peke yake.

Hata hivyo Mh. Mbunge Tundu Lisu anakesi ya kujibu kuhusiana kosa la Kutoa lugha ya uchochezi huko Dar-es-Salaam lililopelekea  kufunguliwa jalada namba CD/IR/5962/2016   katika kituo cha Polisi Kati jijini Dar-es-Salaam alisema Kamanda Sedoyka.

Katika hatua nyingine tena ACP Sedoyeka akaeleza kuwa  Jeshi la Polisi linaendelea na uchunguzi wa kina kwenye mitandao ya kijamii kufuatia ujumbe mfupi wa maneno uliosambazwa katika mitandao hiyo baada ya kukamatwa kwa Mh. Tundu Lisu  ukiwa na ishara zote za uchochezi uliosomeka kama ifuatavyo nanukuu  ‘Breaking news!!!!!  wakubwa sana salaam. Ninawaandikieni maneno haya nikiwa chini ya ulinzi wa Polisi Singida. nimemaliza kuhutubia mkutano wa hadhara mji mdogo wa Ikungi ambao ni makao makuu ya jimbo langu la Singida Mashariki. Mara baada ya kushuka jukwaani nimefuatwa Region Crime Officer wa Mkoa wa Singida aliyejitambulisha kwa jina la BABU MOLLEL na kunitaarifu kuwa ameelekezwa na Reginal Police Commander Singida nikamatwe. Apparently kuna amri ya kunikamata iliyotoka Dar-es-Salaam. kwahiyo niko nguvuni ninasubiri maelekezo ya RPC juu ya wanakotakiwa kunipeleka. Its likely nitasafirishwa Dar usiku huu. Infact ni usiku huu kwa taarifa za sasa hivi. Kwa vyovyote itakavyokuwa, there is no turning back. There is no shutting up. Nitapambana kutetea haki yetu ya kuwasema watawala popote nitakapokuwa, whether in freedom or in jail, as long as I’have a voice to speak with. Sitakubali kunyamaziswa na Dikteta uchwara. Msikubali kunyamazishwa na Dikteta Uchwara. Aluta continua!!!!!! From Tundu Lisu.’ .  Katika uchunguzi huo endapo atabainika mtu yoyote kutuma taarifa hiyo  basi Jeshi la Polisi halitasita kuchukua hatua kali za kisheria zinazostahili  ikiwemo kuwakamata na kuwafikisha mahakamani mara moja.

Kamanda Sedoyeka alisema kuwa mpaka sasa hivi Mbunge huyo Amesafirishwa Dar es salaam kwa uchunguzi zaidi na uchunguzi ukikamilika atafikishwa mahakamani na kisha akatoa wito kwa wananchi kuacha kutoa lugha yoyote yenye ishara ya kichochezi inayoweza kupelekea uvunjifu wa amani katika Nchi yetu kwani kufanya hivyo kinyume cha sheria na hatua kali za kisheria zitachukuliwa dhidi yao.