Dhamana ya Watuhumia wanaokabiliwa na makosa  30 ya kuua bila kukusudia katika ajali ya mabasi ya City Boys yawa gumzo.

Kwa matangazo, habari, picha na ushauri, wasiliana nasi kwa kupitia anwani zifuatazo;

sylvestermac87@gmail.com/machibya.richard@yahoo.com

Sim No. 0768 - 367454/0652 683063

Facebook  - Machibya Richard. 

Na Jenista Zedekia.

Singida.

Watuhumia wanaokabiliwa na makosa  30 ya kuua bila kukusudia katika ajali ya mabasi ya City Boys iliyosababisha vifo vya watu 30 na majeruhi zaidi ya Hamsini dhamana kwao imekuwa  gumzo kutokana na mazingira ya kesi hiyo.

Akisoma mashitaka hayo mbele ya Hakimu Mkazi wa Mahakama ya Wilaya ya Singida Wakili wa Serikali Bi.Petrida Muta amesema kuwa watuhumiwa wote wawili Jeremiah Martin (34) na Boniphas Douglas (37) hawatakiwi kupewa dhamana kutokana na mazingira ya kesi inayowakabili.

Bw.Fransis Kitope ambaye pia ni wakili  kwa upande wa utetezi ameiomba mahakama hiyo kuweza kujadiliana kwa maneno juu ya watuhumia hao kupewa dhamana kwani ni haki yao huku akisema kuwa dhamana haiwezi tolewa kwa mtuhumiwa mmoja.

Aidha Hakimu mkazi wa Mahakama hiyo Joyce Minde amesema kuwa upelelezi wa kesi  hiyo unaendelea na utakapokamilika watuhumiwa wote wawili watatiwa hatiani kwa makosa ya kuua bila kukusudia kinyume na kifungu cha 195 na 198 cha kanuni ya adhabu sura ya 16 ya mwaka 2002.

Hata hivyo kesi imehahirishwa hadi Augost,04,mwaka huu itakapokuja kwa ajili ya kuzungumza kwa maneno kwa upande wa mwendesha mashitaka na kwa upande wa utetezi na watuhumiwa wamerudishwa rumande.