Kama una habari, matangazo, picha na maoni, wasiliana nasi kwa kupitia anwani zifuatazo;
E- mail -sylvestermac87@gmail.com
            - machibya.richard@yahoo.com
Sim No. 0768 367 454/0652 683 063
             -Whats app 0768 367 454
             - Facebook Machibya Richard.

    SSP Mayalla Towo Kaimu              Eneo la machimbo lililopo

   Kamanda wa Polisi (M) Singida     Kijiji cha Mgongo Singida.

 

Na. Sylvester Richard.

SINGIDA.

Watu watatu  wamefariki dunia na wengine wawili kujeruhiwa Mkoani Singida baada ya kufukiwa na kifusi cha udongo wakiwa wanachimba madini ya Dhahabu katika eneo la machimbo lijulikanalo kwa jina la ZAMBIA lililopo  katika Kitongoji, Kijiji na Kata ya Mgongo, Tarafa ya Sheluhi, Wilayani  Iramba. 

Akiongea na waandishi wa Habari Ofisini kwake, Kaimu Kamanda wa Polisi Mkoa wa Singida Mrakibu mwandamizi wa Polisi  (SSP) Mayalla Towo ameeleza kuwa tukio hilo lilitokea siku ya tarehe 02/11/2016 majira ya saa 7:40 mchana na kuwataja waliofariki dunia kuwa ni Anna Martine, (56),  Paulina Msengi, (45) na Magreth Samwel, (45) wote Wanyiramba, Wakulima/Wachimbaji wa madini wadogo wadogo wakazi wa Kijiji cha Mgongo ambapo waliojeruhiwa ni Amri Hamisi, (34)  na Sambo Msengi,(16) .

Kaimu Kamanda ameeleza kuwa Jeshi la Polisi lilipopata taarifa kuhusiana na tukio hilo  ambapo yeye mwenyewe akiongozana na askari wengine kutoka kitengo cha upelelezin walifika eneo la tukio kufanya uchunguzi wa awali na kubaini chanzo cha ajali hiyo kuwa ni wachimbaji hao kushindwa kuchukua tahadhari wakati wakifanya shughuli zao za uchimbaji.

Aidha alisema kuwa Majeruhi wote wamelazwa katika kituo cha afya cha Mgongo na hali zao zinaendelea vizuri  ambapo miili ya marehemu imefanyiwa  uchunguzi wa Daktari  na kukabidhiwa kwa ndugu kwa hatua za mazishi.

Kaimu Kamanda lichukua nafasi hiyo kutoa wito kwa wachimbji wadogo wadogo kuwa wanatakiwa kuchukua tahadhari kubwa wakati wanaingia katika machimbo hayo ili kuhakikisha kuwa hakuna dalili yoyote yenye kuhatarisha maisha yao.