Waandishi wa habari Singida waaswa kuwapa habari sahihi wananchi  ili  wajue wajibu na  nafasi yao katika  kupambana kuleta maendeleo ya Mkoa wa Singida na Nchi ya Tanzania kwa ujumla.

 

Na Sylvester Richard.

 

SINGIDA.

Afisa Tawala Wilaya ya Singida Mh. Wilisoni Shimo amewaasa waandishi wa habari wanachama wa Chama Cha Waandishi wa Habari Singida (SINGPRESS)  kuwapa habari sahihi Wananchi  ili  wajue wajibu na  nafasi yao katika  kupambana kuleta maendeleo katika Mkoa wa Singida na Nchi ya Tanzania kwa ujumla.

Mh. Shimo ameyaongea hayo wakati wa hotuba yake aliyoitoa akiwa Mgeni Rasmi katika Mkutano  wa Chama Cha Waandishi wa Habari Singida (SINGPRESS) uliofanyika tarehe 13.May 2017  majira ya saa 4:00 asubuhi katika Ukumbi wa KBH Hotel iliyopo kando kando ya ziwa Singidani katika Manispaa ya Singida

Aidha katika Mkutano huo uliolenga kuienzi siku ya Uhuru wa Habari Duniani ambayo huadhimishwa kila ifikapo tarehe 03 May kila mwaka ambapo mwaka 2017 imeadhimishwa Kitaifa Mkoani Mwanza huku Mkoa wa Singida ukiadhimisha tarehe 13.May. Mh. Shimo ametoa pongezi kubwa kwa Waandishi wa Habari Mkoa wa Singida kwa  kutoa taarifa mbalimbali zinazohusu maendeleo ya  mkoa wa Singida na Nchi  Kwa ujumla.

Mh. Shimo amewataka waandishi kuendelea kuandika habari zenye kuibua uhalifu zikiwemo zile za kupinga uuzaji na utumiaji wa madawa ya kulevya, ukatili, rushwa, ufisadi, ajali mbalimbali za barabarani na habari zingine zenye kuleta mwitikio chanya katika kuleta maendeleo ya  Nchi.

Alichukua nafasi pia kuwaasa Waandishi wa Habari  kuandika  Habari sahihi zilizojitoshereza, ambazo hazina upendeleo ,za kweli, za uhakika zenye kutegemewa na wanasingida na Watanzania kwa ujumla ili ziwasaidie katika kujua nini kinaendela katika Nchi juu ya maendeleo na kuachana na habari zenye kuchonganisha na kusababisha kuvuruga amani ya Nchi na wakati mwingine kusababisha vifo.

Akiongelea kuhusu Uchumi wa Chama cha waandishi wa Habari Singida  (SINGPRESS) Mh. Shimo amekishauri Chama hicho kuwatumia Waandishi wazuri wabunifu  ambao wanaweza kuandika miradi mbalimabli ambayo SINGPRESS inaweza kuifanya ili wadau wengi waifahamu na hivyo kujitokaeza kusaidia na kuinua uchumi wa Chama na  Waandishi wa habari mmoja mmoja.

Alitaja Njia nyingine ya kuinua uchumi wa Chama hicho kuwa ni kuandaa Mihadhara mbalimbali ya mara kwa mara  ambayo itawasaidia Wananchi wa Mkoa wa Singida kuelewa umuhimu wa habari na hivyo kuwa wadau wazuri wa habari.

Akiongea kuhusu changamoto za Chama ( SINGPRESS) ikiwemo upatikanaji wa Kiwanja kwa ajiri ya Kujenga Ofisi ya chama hicho, Mh. Shimo amesema kuwa Ofisi yake ipo tayari kuchangia kwa kadiri itakavyowezekana na kuahidi kuwa atafikisha changamoto hizo katika uongozi wa Mkoa  ili kuona jinsi ya kutatua changamoto hizo.

Naye Kaimu Kamanda wa Polisi Mkoa wa Singida Mrakibu Mwandamizi wa Polisi (SSP) Issaya Mbughi  ambaye ni mtoa mada katika Mkutano huo amewashukuru wanahabari wa Mkoa wa Singida kwa kuonesha ushirikiano mkubwa katika kuandika habari zinazosaidia katika kuielimisha Jamii kuhusu kudumisha amani ya Mkoa na Nchi yote kwa ujumla.

SSP Mbughi  ameeleza kuwa jukumu la usalama wa Nchi ni jukumu la kila Mtanzania hususani mzalendo wa kweli pia na waandishi watambue kuwa kuvurugika kwa amani ya nchi hakuna shughuli yoyote ile iwe ya kijamii, Kisisa, kiuchumi itakayoweza kufanyika, hivyo elimu hii kwa Wananchi ni muhimu sana na kuongeza kuwa Waandishi wa habari ni wadau muhimu sana katika kufikisha elimu hii kwa wananchi.

Hata hivyo Kaimu Kamanda alichukua fursa hiyo kuwaomba waandishi wa habari kuandika habari kwa kuzingatia sheria na kanuni za kiuandishi ambazo zimeainishwa katika Katiba ya Jamhuri ya Muungano wa Tanzania. Kwa kufanya hivyo watakuwa wameepuka migogoro mingi kati yao na Jamii ambayo ndiyo wateja wa kazi zao.

Mwisho  Kaimu Kamanda SSP Mbughi akasisitiza Kaulimbiu ya maadhimisho hayo isisemayo kuwa  ‘Klabu za waaandishi wa habari zina wajibu wa kuendeleza amani katika jamii ’ Wakizitumia vizuri kalamu zao tutaienzi Tanzania ambayo ni kisiwa cha amani.

Pichani ni Afisa Tawala Wilaya ya Singida Mh. Wilison Shimo akiongea na waandishi wa Habari  katika Mkutano wa Waandishi uliofanyika katika Ukumbi wa KBH Hotel iliyopo katika maeneo ya Singidani Manispaa ya Singida.

Mwenyekiti wa Chama cha waandishi wa Habari Singida (SINGPRESS) Ndugu Ranko Banadi akifungua Mkutano wa waandishi wa habari katika Ukumbi wa KBH Hoteli.

 

 

Kaimu Mwenyekiti wa SINGPRESS Ndugu Shabani Msangi  akichangia mada kwenye Mkutano wa waandishi wa habari Katika ukumbi wa KBH Hotel Singida.

  

Katibu wa SINGPRESS Ndugu Emannueli Michael akitoa mwongozo katika Mkutano wa Waandishi wa Habari Ukumbi wa KBH Hotel katika Manispaa ya Singida.

 

Waandishi wa Habari pamoja na wadau wa habari wakifuatlia kwa makini mada iliyokuwa ikitolewa na mmoja wa washiriki wa Mkutano katika Ukumbi wa KBH Hotel Manispaa ya Singida

Kaimu Kamanda wa Jeshi la Polisi Mkoa wa Singida SSP Isaya Mbughi akitoa Mada katika Mkutano wa waandishi wa Habari Singida katika Ukumbi wa KBH Hoteli Manispaa ya Singida.

  

Pichani ni Mkurugenzi wa MACHIBYA BLOG Ndugu Sylvester Richard akifuatilia Mada iliyokuwa ikitolewa na mmoja wa watoa mada kwenye Mkutano wa waandishi wa Habari katika ukumbi wa KBH Hotel Manispaa ya Singida.

 Mmoja wa wadau wa habari akichangia mada katika
Mkutano wa waandishi wa Habari Singida katika Ukumbi wa KBH Hoteli Manispaa ya Singida.

  Pichani wa tatu kutoka kushoto ni Katibu Tawala Wilaya ya Singida Mh. Wilison Shimo akiwa katika picha ya pamoja na Waandishi wawakililishi wa vyombo mbalimbali vya habari, wanachama na wadau wa habari waliohudhuria katika Mkutano wa waandishi uliofanyika katika Ukumbi wa KBH Hotel katika Manispaa ya Singida.

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454/0652683063

                Namba yetu ya WhatsApp 0629 655814

                Facebook  - machibya richard.