Pichani ni Kamanda wa Polisi Mko wa Singida Kamishina Msaidizi wa Polisi (ACP) Debora Magiligimba akiongea na Waandishi wa Habari ofisini kwake.

Watu wawili wamefarikidunia Mkoani Singida baada ya kukanyagwa na wanyama jamii ya Tembo.

Kamanda wa Polisi Mkoa wa Singida Kamishina Msaidizi wa Polisi (ACP) Debora Magiligimba amethibitisha kutokea kwa vifo hivyo viliyosababishwa na wanyama hao wakubwa Duniani waliokadiri kuwa katika kundi la Tembo 32 waliovamia maeneo ya Kitongoji cha Italala katika Kijiji cha Musimi, Kata na Tarafa ya Sepuka Wilayani Ikungi siku ya tarehe 04.05.2017 majira ya saa 4:00 asubuhi.

Kamanda Magiligimba amewataja waliofariki kuwa ni pamoja na Hassan s/o Shaban @ngabu, Mnyaturu (68), Mkulima wa Italala  aliyekuwa akiendelea na shughuli za kuvuna mahindi ambaye alishambuliwa na Tembo hao kwa kumrusha juu na kumkanyaga kanyaga sehemu mbalimbali za mwili wake na kumsababishia Kifo cheke papo hapo.

Mwingine amemtaja kuwa ni Ayoub s/o Emmanuel,Mnyaturu, (19), ambaye alikuwa akiwashangaa Tembo hao akiwa amepanda  juu ya mti ambapo Tembo hao walivunja tawi la Mti na kuanguka chini na kupata majeraha sehemu mbalimbali za mwili wake ndipo  alikimbizwa katika hospitali ya Mkoa wa Singida na ilipofika majira ya saa 10 :00 jioni alifariki Dunia.

Hata hivyo Kamanda ameeleza kuwa imebainika wanyama hao wanatabia ya kupita maeneo hayo mara kwa mara lakini ni kwa muda mrefu hawajapita maeneo hayo na imebainika kuwa mara ya mwisho walipita mwaka 1974.

Magiligimba hakusita kuchukua fursa hiyo kutoa wito kwa Wananchi wa Singida na kuwataka kutoa taarifa kwa haraka kwa vyombo vinavyohusika na uhifadhi wa wanyamapori ili kuchukua tahadhari mapema kabla madhara hayajatokea.

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454/0652683063

                Namba yetu ya WhatsApp 0629 655814

                Facebook  - machibya richard.