JESHI LA POLISI MKOANI SINGIDA LAFANIKIWA KUKAMATA DAWA ZA KULEVYA

JESHI LA POLISI MKOANI SINGIDA LAFANIKIWA KUKAMATA DAWA ZA KULEVYA

SINGIDA

Jeshi la Polisi Mkoa wa Singida limefanikiwa kuwakamata Watu watatu ambao wanajihusisha na uuzaji na utumiaji wa dawa zakulevya aina ya Bhangi na Heroin.

Akiongea na Waandishi wa habari Ofisini kwake hii leo Kamanda wa Polisi Mkoa wa Singida ACP Debora D. Magiligimba ameeleza kuwa mafanikio hayo yametokana na  operation ya kupambana na dawa za kulevya Nchini ambayo ni endelevu ambapo   Jeshi la Polisi Mkoa wa Singida kwa nyakati tofauti Mwezi Desemba 2017 limefanikiwa kukamata Dawa za Kulevya aina ya Bhangi Misokoto 238  sawa na  gms 484 ambapo watuhumiwa watatu Jeremiah Yombo @Magaja, (53), Msukuma,Mkulima  na mkazi wa manyoni, Daud Salum, (24), Mkulima, Mnyaturu, Mkazi wa Ukombozi na Hamis  Ramadhani, (27), Mnyaturu, Mkulima na mkazi wa Ginery huku Mtuhumiwa Daud Salum, (24), kwa mara nyingine akikutwa na dawa za kulevya aina ya Heroine  Kete  (80) .

Aidha Kamanda Magiligimba amebainisha mbinu zilizotumika katika kuhifadhi Dawa hizo ni Kuficha  ndani ya matundu ya sabufa na kuuza kidogo kidogo  pia bangi hizo zilifichwa kwenye begi dogo la mgongoni kisha begi hilo kupuliziwa pafyumu ili kupoteza harufu ya bangi.

Hata hivyo Magiligimaba ameeleza kuwa Katika msako huo Jeshi la Polisi lilifanikiwa kukamata vitu mbalimbali nyumbani kwa Mtuhumiwa Daud Salum, (24  vikiwa ni pamoja na Flat screen 1 Nchi 24, sabufa 1 na spika zake 2, Deki 2 aina ya SONNY, Majiko mawili ya gesi mapya, Mtungi wa gesi kilo 30, Mashuka ya kimasai mapya 15 na kifaa kimoja kiitwacho Mult sensor aina ya smart  vifaa ambavyo vinasadikiwa kuibwa katika maeneo mbalimbali na kupelekwa pale na watumiaji wa dawa za kulevya ili waweze kupatiwa herone baada ya kukosa pesa za kununulia dawa za kulevya.

ACP Magiligimba ameeleza kuwa watuhumiwa wanashikiliwa  na Jeshi la Polisi kwa mahojiano kabla ya kufikishwa Mahakamani kujibu tuhuma zinazowakabili na kutoa wito kwa wananchi wote wa Mkoa wa Singida kuendelea kushilikiana na Jeshi la Polisi kwa kutoa taarifa za uhalifu na wahalifu na kuwataka wazazi na walezi kuwasisitiza vijana wao kutojihusisha na utumiaji na uuzaji wa dawa za kulevya.  Amewashauri wananchi  kuacha mara moja tabia ya kununua vitu bila kupewa risiti halali na kutoa wito kwa wanchi walioibiwa vitu vyao kufika katika Kituo cha Polisi Singida wakiwa na risiti za manunuzi ya vitu husika ili kuweza kutambua vitu vyao.

 Kamanda wa Polisi Mkoa wa Singida Kamishina Msaidizi wa Polisi (ACP) Debora D. Magiligimba Akionesha radio aina ya Sabufa ambamo zilikuwa zimefichwa Dawa za kulevya aina ya Heroine. Chini ni vitu mbalimbali vilivyopatikana wakati Jeshi la Polisi Mkoa wa Singida likifanya Oparesheni.

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454/0652683063

                Namba yetu ya WhatsApp 0629 655814

                Facebook  - machibya richard.