KOCHA WA SINGIDA UNITED AIBIWA MKOBA AKISHANGILIA BAO LA KUONGOZA , JESHI LA POLISI LAFANYA MSAKO MKALI LAFANIKIWA KUUPATA MKOBA, MWIZI ATOROKEA KUSIKOJULIKANA.

KOCHA WA SINGIDA UNITED AIBIWA MKOBA AKISHANGILIA BAO LA KUONGOZA      , JESHI LA POLISI LAFANYA MSAKO MKALI  LAFANIKIWA KUUPATA MKOBA, MWIZI ATOROKEA KUSIKOJULIKANA.

Kocha wa Timu ya Mpira  wa miguu ya Singida United Johannes Francis Plugyn, (69), Mholanzi aliibiwa mkoba wake wakati akiungana na mashabiki na wapenzi wa timu ya Singida united kushangili ushindi wa bao 1- 0 dhidi ya Timu ya Tanzania Prison bao la kuongoza ambalo lilifungwa na Mchezaji wa timu hiyo Elinywesia  Sumbi (Msingida)  katika dakika ya sita ya nyongeza baada ya dakika 90 kumalizika bila kufungana.

Kaimu Kamanda wa Polisi Mkoa Wa Singida Mrakibu mwandamizi wa Polisi Isaya K. Mbughi akiwa ofisini kwake jana leo  amekiri kutokea kwa tukio la kuibwa kwa mkoba wa Kocha huyo Mahiri.

Mbughi ameeleza kuwa tukio hilo lilitokea juzi majira ya saa 12:00 jioni  katika Uwanja wa Namfua, Kata ya Utemini, Tarafa ya Mungumaji, Wilaya na Mkoa wa Singida ambapo Johannes Francis Plugyn, (69), Mholanzi, Kocha wa Timu ya mpira wa miguu ya Singida United akiwa uwanjani wakati wa kutoka baada ya mechi kumalizika huku baadhi ya Mashabiki wa Singida United  wakimzunguka wakishangilia ushindi , aliibiwa mkoba aina ya  macron brand uliokuwa na simu (smart phone) aina ya samsung pro 9 yenye thamani ya usd. 700 sawa na Tshs 1,575,700/=, pochi (wallet) ,leseni za udereva za Nchi mbili ambazo ni Ghana na Tanzania, pesa taslimu usd 100 sawa na Tshs 225,100/=,  Tshs. 200,000/ na funguo za gari.

Hata hivyo Kaimu Kamanda amesema kuwa Jeshi la Polisi Mkoa wa Singida lilipata taarifa hizo muda mfupi baada ya tukio hilo na Msako Mkali ulifanyika kuanzia majira ya saa 12:00 jioni katika Maeneo mbalimbali ya mji ambapo katika msako huo Askari wakiongozwa na taarifa za kitengo cha kufuatilia makosa ya mtandao kwa kutumia namba ya muhanga taarifa zilionyesha mtuhumiwa yupo maeneo ya kindai ambapo kwa haraka Askari walijipanga kufanya msako mkali eneo hilo hatimaye mtuhumiwa alitupa begi baada ya kubaini anafuatiliwa. Kutokana na hali ya giza mtuhumiwa hakuweza kutambuliwa vizuri lakini ni kijana anayekadiliwa kuwa na umri wa miaka ishirini(20). Aidha baada ya kuchunguza ndani ya begi hilo vitu vyote vilipatikana kasoro Tshs 120,000/= pesa ambayo alikuwa ameichukua tayari.

Aidha kuhusiana na tukio hilo hakuna Mtu/watu wanaoshikiliwa, na Jeshi la Polisi  linaendelea na msako kumtafuta Mtuhumiwa ili akamatwe na kufikishwa Mahakamani ameeleza Mbughi.

Kisha Kaimu Kamanda akatoa wito kwa  wananchi wote  kwa ujumla na mashabiki wa mpira kuachana na vitendo vya kihalifu vya aina yoyote hususani michezoni na kutoa onyo kwa yeyote atakaye thubutu kufanya hivyo  Jeshi la Polisi halitasita kumchukulia hatua kali za kisheria.

 

  

Kocha wa timu ya Singida Uniteda aliyekaa kulia akionesha mkoba wake uliopatikana muda mfupi tu baada ya kuibiwa . Kupatikana na kwa mkoba huo kulitokana na Msako mkali uliofanywa na Jeshi la Polisi kwa kushirikiana na Raia wema katika Mji wa Singida.  ( Picha kutoka mtandaoni)

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454/0652683063

                Namba yetu ya WhatsApp 0629 655814

                Facebook  - machibya richard.