ANUSURIKA KIFO, ASHIKILIWA NA POLISI BAADA YA KULAWITI MTOTO HADI KUFA MACHUNGANI

ANUSURIKA KIFO, ASHIKILIWA NA POLISI BAADA YA KULAWITI MTOTO HADI KUFA MACHUNGANI

Jeshi la Polisi Mkoani Singida linamshikilia Mtu mmoja aitwaye Nalogwa   John  (23), Mnyiramba, mkazi wa  Kijiji cha Mgundu, Wilayani Iramba  baada ya kumlawiti mtoto mwenye umri wa miaka 12 jina lake linahifadhiwa na kumsababishia maumivu makali na kupelekea kifo kwa mtoto huyo.

Akiongea na waandishi wa habari ofisini kweke jana, Kamanda wa Polisi Mkoa wa Singida ACP Sweetbert M. Njewike ameeleza kuwa tukio hilo lilitoke siku ya tarehe 25.08.2018 majira ya saa 11:30. jioni huko katika kijiji cha Mgundu wakati marehemu akiwa machungani.

Katika picha ni ACP Sweetbert M. Njewike 

 Kamanda wa polisi Mkoa Wasingida.  

ACP Njewike ameeleza kuwa kabla ya tukio hilo machungani  akiwa katika harakati za kukata fimbo ya kuchungia kichakani na  akiwa na mdogo wake aitwae Abdul   John  (9), marehemu alikamatwa kwa nguvu na mtuhumiwa Nalogwa John,  kumkaba shingoni kisha  kumlawiti mbele ya mdogo wake ambaye alikimbia hadi nyumbani na kutoa taarifa kwa Mama yao ambaye  alifika eneo la tukio na kukuta mtoto wake tayari amefariki.  Mama huyo alipiga kelele za kuomba msaada ndipo wananchi walifika eneo la tukio.

Aidha Kamanda ameeleza kuwa baada ya mtuhumiwa kutenda kosa hilo alijaribu kutoroka  na kukikimbilia nyumba jirani lakini wananchi walifanikiwa kumkamata na kujichukulia sheria mkononi kwa kumpiga sehemu mbalimbali za mwili wake kwa kutumia fimbo na mawe ambapo Askari wa Jeshi la Polisi walipopata taarifa walifika katika eneo la tukio na kufanikiwa kuokoa maisha yake.

Njewike ameweka wazi kuwa Mtuhumiwa huyo anashikiliwa kwa mahojiano zaidi kabla ya kufikishwa Mahakamani ili sheria ichukue mkondo wake na  Mwili wa marehemu umehifadhiwa katika Hospitali ya Wilaya ya Iramba kwa uchunguzi wa Daktari kabla ya kukabidhiwa kwa ndugu kwa hatua za mazishi.

Hata hivyo Kamanda amewataka wananchi wote wa Mkoa wa Singida kuachana na vitendo vya kikatili kama hivyo, waache kujichukulia sheria mkononi na kuwaasa wazazi kuacha kuwatuma watoto wadogo kwenda kuchunga mifugo wenyewe na kuwaasa wazazi hao kuwapeleka watoto wao shule ili wapate elimu kwani elimu ndiyo hadhina ya maisha yao ya baadaye.

Kama una Habari, matangazo, Picha, Maoni au ushauri tuma kwa kupitia anwani zifuatazo;

E- mail. -sylvestermac87@gmail.com

              -machibya.richard@yahoo.com

Sim  No. 0768367454WhatsApp/0652683063

                       Facebook  - machibya richard.